Голомт банк 2024 оны “Онцлох ТоС Банк”-аар шалгарлаа
Циркийн байргүй, байнгын тоглолтгүй болсон монголчууд нэгэн тоглолтыг сэтгэл догдлон хүлээж байна. Есөн орны уран бүтээлчид Монголын тайзнаа “Bravo circus” тоглолтыг хийхээр болсон нь ийм их хүлээлт үүсгээд байгаа юм. Аравдугаар сарын 21-30-нд Бөхийн өргөөнд болох энэ удаагийн тоглолтод алдарт “Үхлийн цагариг”-аас авхуулаад дэлхийд алдартай цөөнгүй үзүүлбэр тоглогдон, циркийн урлагийн гайхамшгийг мэдрүүлнэ.
“Bravo circus” тоглолтод уригдсан гол уран бүтээлчдийн нэг нь Казахстаны циркийн жүжигчин Калхаман Дуисекулов. Түүнтэй цөөн хором ярилцлаа.
-Сайн явж ирэв үү, Та. Монголд хэзээ ирэв?
-Монголд ирээд хоёр хонож байна. Казахстанаас морин циркийн жүжигчид, могойныхоо хамт ирлээ.
-Монголд ирсэн сэтгэгдлээсээ хуваалцахгүй юу?
-Мэдээж сайхан байлгүй яах вэ. Монголд ирсэндээ баяртай байна. Сэтгэгдэл маш өндөр байна. Монголынхоо ард түмэнд циркийн гайхамшигтай тоглолт үзүүлэхийг л хичээж байна даа.
-Могойн үзүүлбэр тань миний сонирхлыг их татлаа. Могойтой ажиллаад хэр удаж байгаа вэ?
Би циркэд 15 жил ажиллаж байна. Морь, могойны үзүүлбэр үзүүлбэр үзүүлдэг. Могойтой ажиллаад нэг жил болж байна. Дөнгөж шинээр сурч байна гэхэд бараг болно.
-Амьтдаас могой таны сонирхлыг юугаараа илүү их татав?
-Могой надад аш их таалагддаг амьтан. Тиймээс могойн үзүүлбэр үзүүлэхээр шийдсэн. Анх ажиллахад бүх юм л аюултай, аймшигтай санагддаг. Морин дээр тоглоход ч мөн тийм санагдаж байсан. Могой ч мөн адил. Одоо бол зүгээр ээ. Бид хоёр нэгэндээ бүр дасчихсан.
-Могой нь нэртэй юү?
-Мэдээж нэртэй. Сима гэдэг. Могой маань Америкаас гаралтай. 2.5 метр урттай.
-Могойтой ажиллах, юм заах амаргүй нь мэдээж. Могойтой ажиллахын онцлог, таны арга барил юу вэ?
-Могой маш өндөр мэдрэмжтэй. Могой, хүн хоёр хоорондоо яаж харилцаж, нэгнээ ойлгож байна вэ гэвэл могойноос би айвал могой надаас айна, биеэ хураана. Тиймээс могойтой аль болох эелдэг хандан, намуун дөлгөөн, нэгнээ ойлгосон харилцааг бий болгож л могойтой ажиллана. Энэ миний гол арга барил.
-Үргэлжлүүлээд морины үзүүлбэрийнх нь талаар ярилцъя. Монголоос жүжигчид хамтрах уу?
-Казахстанаас гурван жүжигчин надтай хамт ирсэн. Монголоос гурван жүжигчин орно. Морины үзүүлбэрийг манай хоёр орны зургаан жүжигчин хамтарч хийнэ.
-Морьд нь Монголынх уу?
-Тийм ээ. Казахстанаас морьдоо Монголд авч ирэх хэцүү шүү дээ.
-Тоглолтыг нь хүлээж буй Монгол үзэгчдэд хандан юу хэлэхийг хүсэж байна вэ?
-“Bravo circus” нэртэй, орчин үеийн ийм супер тоглолтод оролцох гэж буйдаа бид баяртай байгаа. Нийт Монголын маань үзэгчид “Bravo circus” тоглолтоо үзээрэй. Та бүхнийг хүлээж байна, урьж байна. Ура.
0
0
0
0
0
0
0
0
