Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
2022 он гарснаас хойш Монгол кино уран бүтээлүүд олон улсын А зэрэглэлийн кино наадмуудад шалгарч, шагнал хүртэх жим үргэлжилсээр байна.
А зэрэглэлийн кино наадмуудад шалгарч, шагнал хүртсэн бүтээлүүдээс онцолбол:
- Номадиа Пикчерс болон продюсер Т.Номуунзул, Найруулагч Ж.Сэнгэдорж нарын бүтээл болох “Худалдагч Охин” /The Sales Girl/ уран сайхны кино нь “Осакагийн азийн кино наадам”-аас “Шилдэг эмэгтэй гол дүр”, “Нью Йоркын азийн кино наадам”-аас “Шилдэг кино” шагналуудын эзэн болоод байна. Үүнээс гадна 10 дугаар сарын 5-14-ны өдрүүдэд зохион байгуулагдах 27 дахь “Бусаны олон улсын кино наадам”-д “A Window on Asian Cinema” уралдаант хэсэгт шалгаран, өрсөлдөх эрхээ авсан юм.
- Мөн Кино урлагийн зөвлөлөөс дэмжин ажилласан Франц улсын “Аврора Фильм” компани, Монгол улсын “Гуру Медиа” компанийн продюсер Ц.Ариунаа, найруулагч П.Лхагвадуламын бүтээл “Есдүгээр сарын цас” /Snow in September/ богино хэмжээний кино нь 8 дугаар сарын 31-нээс 9 дүгээр сарын 10-ны хооронд зохион байгуулагдсан 79 дэх удаагийн “Венецийн Олон улсын кино наадам”-аас “Шилдэг богино хэмжээний кино” шагналыг хүртэв.
- Түүнчлэн Найруулагч Д.Баттөмөрийн “ТРИО” уран сайхны кино нь “Тайландын олон улсын кино наадам”-аас “Шилдэг олон улсын кино”, “Palm Springs International Down Syndrome Film Festival-2022”-оос “Шилдэг зураглаач” шагналуудыг авсан.
- “ТРИО” уран сайхны кино нь аравдугаар сарын 14-23-ны өдрүүдэд зохион байгуулагдах “Варшавын олон улсын кино наадам”-д “Шилдэг найруулагч” төрөлд өрсөлдөх эрхээ авсан байна.
- “17” продакшны продюсер С.Уран, Жүжигчин Б.Амарсайханы найруулагчийн дебют бүтээл болох “Эргэж ирэхгүй намар” /Harvest Moon/ уран сайхны кино нь ес дүгээр сарын 29-нөөс 10 дугаар сарын 9-ны өдрүүдэд зохион байгуулагдах 41 дэх удаагийн “Ванкуверын олон улсын кино наадам”-д “Vanguard Award” уралдаант хэсэгт шалгараад байна.
- TeamHero, Three Flames Pictures-ийн хамтын бүтээл, Найруулагч Б.Баатарын “Этгээд” уран сайхны кино нь 29 дэх удаагийн “Олдегбургийн олон улсын кино наадам”-аас “Хамгийн өвөрмөц, Зоримог кино” төрөлд өрсөлдөн цомын эзэн боллоо.
Эдгээр бүтээлүүдээс харахад Монгол уран бүтээлчид жилээс жилд түвшин ахиж Олон улсын кино наадмуудад өрсөлдөхүйц кино хийж байна.
0
0
0
0
0
0
0
0
