Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Хөдөлмөр, нийгмийн хамгааллын сайд Д.Сарангэрэл өчигдөр анхны шуурхай хурлаа зарлан удирдлагын багт өөрийн байр суурь, ажиллах зарчмаа танилцуулан тодорхой үүрэг даалгавар өгөв.
Хурлын үеэр хөдөлмөр эрхлэлтийг нэмэгдүүлэх, тэтгэврийн шинэчлэлийг оновчтой хийх, халамжийг зохих ёстой хүнд нь хүртээхэд онцгой анхаарч ажиллана гэв.
Тэрбээр үргэлжлүүлэн “Хөдөлмөр, нийгмийн хамгаалал гэдэг бол хүний төлөөх үйлс. Тиймээс энд ажиллаж буй төрийн албан хаагч өөрөө итгэлтэй, зүтгэлтэй, сэтгэлтэй байх учиртай. Энэ хандлагыг бий болгоход удирдлага, багийн дэмжлэг, уур амьсгал хамтын ажиллагаа чухал. Би та бүхэнд хувь хүний болон улс төрийн дарамт шахалт үзүүлэхгүй. Харин хууль журам зөрчих, алдаа гаргах, ажлаа хийдүүлэх асуудал гарвал хариуцлага тооцож таарна. Тэгэхээр та бүхний ажил алба надаас бус танаас шалтгаална. Бусдаар бол төрийн алба тогтвортой байх ёстой. ХНХЯ-ны баг хамт олон чадварлаг, туршлагатай гэдгийг УИХ-ын нийгмийн бодлогын байнгын хорооны гишүүний хувиар холбоотой, хамтарч ажиллаж ирсэн тул мэднэ. Багаараа үр дүнтэй ажиллаж тавьсан зорилтоо хэрэгжүүлж чадна гэдэгт итгэлтэй байна” гэв.
Түүнчлэн Засгийн газрын үйл ажиллагааны хөтөлбөрт заасан яамны эрхлэх асуудлын хүрээнд хэрэгжих ажил арга хэмжээний биелэлт, биелээгүй ажлын шалтгаан, түүнийг шийдвэрлэх арга замын талаар ирэх даваа гарагт танилцуулахыг газар, нэгжийн дарга нарт үүрэг болголоо.
Эх сурвалж: Хөдөлмөр, Нийгмийн Хамгааллын Яам
0
0
0
0
0
0
0
0
