Ч.Хантүмэн: Данс хаачихлаа, дарга нарыг мууллаа гээд ингэв үү
Боловсрол, шинжлэх ухааны сайд Л.Энх-Амгалан МСҮТ-ийн оюутнуудад олгодог мөнгийг өөр бусад этгээд давхардуулан авдаг байсан тухай ноцтой мэдээллийг өнөөдөр /2022.08.23/ өглөө. Тэрбээр энэ тухай хэлэхдээ “Мэргэжлийн болон техникийн боловсролын сургалтын байгууллагууд манай яаманд шилжиж ирээд тав сар орчим болж байна.
Коллеж, МСҮТ-ийн сурагчдын 200 мянган төгрөгийг олгохоор мэдээллийг нь E-mongolia системээр бид бүртгэсэн. Ингэж үзэхэд их, дээд сургуульд бүртгэлтэй, ЕБС-д сурдаг 4800 хүүхдийн регистрийн дугаарыг МСҮТ-д давхар бүртгэж 2,3 тэрбум төгрөг төрөөс авах байсныг ил болгосон. Нэг ёсондоо ийм хэмжээний мөнгийг бид хэмнээд байна гэсэн үг.
Өмнөх жилүүдэд нууцаар, хууль бус үйлдлээр төрөөс хулгай хийж, хумсалсан, халаасалсан хэдэн тэрбум төгрөг байгаа вэ гэдгийг тогтоож, сургууль, захирал, төрийн албан хаагч бүрээр нь хууль хяналтын байгууллага шалгах ёстой. Төрийн мөнгө түрүүвчинд орох ёсгүй” гэлээ.
0
0
0
0
0
0
0
0
