Ч.Хантүмэн: Данс хаачихлаа, дарга нарыг мууллаа гээд ингэв үү
НОБГ-ын харьяа Аврах ангийн алба хаагчид, Цагдаагийн байгууллагатай хамтран “Завьт эргүүл” арга хэмжээг 12 дахь жилдээ зохион байгуулж байна. Тэд Баянзүрх дүүргийн Хар усан тохойгоос Яармагийн гүүр хүртэлх Туул голд эргүүл хийж байна.
Эргүүл зургаадугаар сарын 15-наас эхэлсэн. Өнөөдрийн байдлаар 26 удаагийн дуудлагаар үүрэг гүйцэтгэн, 50 хүний амь насыг аварч, долоон автомашиныг татан гаргаад байна.
Мөн усанд эндсэн 16 хүний цогцсыг гарган, Цагдаагийн байгууллагад хүлээлгэн өгсөн байна.
Туул голын эрэг дагуу аялж, зугаалж байгаа иргэдийн аюулгүй байдлыг хангах, усанд осолдохоос урьдчилан сэргийлэх, авран хамгаалах зорилготой “Завьт эргүүл” арга хэмжээ ирэх есдүгээр сарын 10-ны өдрийг хүртэл үргэлжилнэ гэж Онцгой байдлын ерөнхий газраас мэдээллээ.
Гол дагуу амарч зугаалахдаа анхаарал болгоомжтой байхыг мэргэжлийн байгууллагуудаас анхааруулж байна.
0
0
0
0
0
0
0
0
