Манай улс НҮБ-ын Хүний эрхийн зөвлөлд дөрөв дэх тайлангаа хүргүүлнэ
АНУ-ын Конгрессын Төлөөлөгчдийн танхимын дарга Нэнси Пелоси саяхан Тайваньд айлчилсан. Энэ айчлалтай холбоотой улстөрийн сөрөг үр дагавар гарсаар байна.
Ненси Пелоси БНХАУ-ын өөрийн нутаг дэвсгэр хэмээн зарладаг аралд хийсэн айлчлал нь Хятадын удирдагч Ши Жиньпиний шийдэмгий байдлыг улстөрийн эмзэг цаг үед туршсан явдал болж буйг шинжээчид онцолсоор байна.
Учир нь, Ши Жиньпин ирэх арваннэгдүгээр сард болох 20 дугаар их хурлаар Хятадын эрх баригч Коммунист намын тэргүүнээр гурав дахь удаагаа сонгогдож чадах эсэх нь тодорхой болох юм.
Хятадын эрх баригчид Тайваний 2000 гаруй хүнсний бүтээгдэхүүний импортыг хориглож, элсний экспортыг зогсоосон бол энэ долоо хоногт Тайваний засгийн газрын вэбсайтууд хилийн чанад дахь кибер халдлагад өртжээ.
Цаашид Хятадад үйл ажиллагаа явуулж буй Тайваний бизнесийг хязгаарлах, улмаар хоёрдогч хориг арга хэмжээ авах зэргээр Тайваний талд үзүүлэх дарамтыг нэмэгдүүлэх магадлалтай хэмээн шинжээчид таамаглаж байна.
Нэмж мэдээлэхэд, Хятад улс Тайванийг тойрсон усан бүсэд түүхэндээ хамгийн том цэргийн сургуулилалт хийж эхэлсэн. Тэр дундаа арлын дээгүүр пуужин харваж байгаа нь дэлхий нийтийг түгшээсээр байгаа билээ.
Эх сурвалж: Aljazeera
0
0
0
0
0
0
0
0
