Ч.Хантүмэн: Данс хаачихлаа, дарга нарыг мууллаа гээд ингэв үү
Нийслэлд өглөө эрт үүдээ нээдэг үйлчилгээний байгууллага тун ховор. Тэгвэл бид энэ удаа зургаан цагаас үйл ажиллагаагаа эхлүүлдэг Ла Лэ Ли барааны дэлгүүр, мөн зургаан салбар бүхий Coffeelogy кофе шопыг онцоллоо.
УИД-ийн баруун талд төв зам дагуу байрлах Ла Лэ Ли барааны дэлгүүрийн хувьд үйл ажиллагаагаа явуулж эхэлснээс хойш эртэч амьдралын хэв маягийг бий болгох үүднээс зургаан цагт нээдэг болсон байна. Дэлгүүрийн эзэн С.Дэлгэр өглөөгүүр үйлчлүүлэх хүмүүсийн хэрэгцээ их байдаг талаар хэллээ.
Тэрбээр, “Өглөө эрт онгойх нь маш олон давуу талтай. Эрт нээснээр борлуулалт өсөж, үйлчлүүлэгч нэмэгддэг. Өглөө эрт босдог ч хийх зүйл тийм ч их байдаггүй. Эсвэл өглөө 8-17 цагийн хооронд ажилтай, ажлаа тараад дэлгүүр хэсэх завгүй, их хотын түгжрэлээс халширч, хурдхан харихыг яардаг хүмүүст манай дэлгүүр их таалагддаг. Өглөө ажилдаа явах замдаа дэлгүүр орж, хэрэгцээт зүйлсээ худалдаж авах нь цаг хэмнэж, ажлаа тараад яарахгүй, тухтай харьж амрах боломж олгодог гэж үйлчлүүлэгчид нь хэлдэг.
Мөн зуны цагт хөдөөнөөс ирсэн хүмүүс эрт босоод, ажлаа амжуулаад явах гэхэд зах, худалдааны төвүүд нь оройтож нээдэг. Их хүлээлгэж, цаг үрдэг тухай ч ярьдаг.
Ихэнх худалдаа, наймаа эрхлэгчид лангуу, жижиг объект зэргийг түрээсэлж, үйлчилгээ үзүүлдэг. Өөрсдөө эрт нээж, үйлчлүүлэгч татъя гэсэн ч том объект нь 10 цагт онгойдог бол мянга хүсэл байгаад нэмэргүй. Тиймээс түрээслүүлж байгаа худалдааны төв, том объектууд ч эрт онгойдог болох нь түрээслэгчдэд ашигтай. Ингэснээр орлого ч нэмэгдэж, худалдан авагч ч ихэснэ. Мөн ажлын байр ч нэмэгдэх боломжтой” гэлээ.
ҮЙЛЧЛҮҮЛЭГЧДИЙНХЭЭ ӨГЛӨӨГ САЙХАН УГТАХЫН ТУЛД ӨГЛӨӨ ЭРТ НЭЭДЭГ
Харин зургаан салбар тус бүр нь зургаан цагт нээдэг Coffeelogy кофе шопт ихэнхдээ оюутан залуус ажилладаг учир тэдэнд эрт босоод ажилдаа явахад тэр өдрийн бүтээмж илүү байдаг хэмээн энэхүү байгууллагын ажилтан О.Эрдэнэбаяр ярилаа.
Тэрбээр, “Өглөө хэрхэн эхэлнэ, тэр өдөр нь тийм л байдаг. Тиймээс бид үйлчлүүлэгчдийнхээ өглөөг найрсаг, таатай угтах, тэдэнд эерэг сэтгэгдэл төрүүлэхийн тулд өглөө эрт нээдэг.
Анх нээгдэж байхад тэр бүр хүн орж ирдэггүй байсан. Одоо хүмүүс мэддэг болоод, өглөө ажилдаа явахын өмнө ирж, кофе ууж, сонин уншаад эсвэл өглөө эрт уулзалт зохион байгуулдаг болсон” гэлээ.
Coffeelogy кофе шопын хаягийг энд дарж харна уу.
0
0
0
0
0
0
0
0
