Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Монгол улсад зонхилон тохиолдож буй элэг, ходоод, уушиг гуурсан хоолой , улаан хоолой, умайн хүзүүний хорт хавдрууд нь эрт илрүүлэх боломжтой бөгөөд илрүүлэг үзлэгийг тасралтгүй цогц байдлаар үр дүнтэй зохион байгуулвал хорт хавдрын өвчлөл, нас баралт үлэмж хэмжээгээр буурах юм.
Манай улсад 2013 оноос умайн хүзүү, хөхний хорт хавдрын эрт илрүүлэг хөтөлбөр хэрэгжиж 1,975,491 эмэгтэйг умайн хүзүүний хорт хавдрын илрүүлэгт, 2,552,533 эмэгтэйг хөхний хорт хавдрын илрүүлэгт хамруулсан бөгөөд илрүүлгийн хамралт дунджаар 42%-тай байна. Энэ үйл ажиллагааг өргөжүүлэн элэг, ходоод, уушиг гуурсан хоолой, улаан хоолойн хорт хавдрын эрт илрүүлгийг эхлүүлэх шаардлагатай байгаа билээ.
Зорилтот бүлгийн хүн амын эрт илрүүлэгт хамрагдалтыг сайжруулахад олон үйл ажиллагааг зохион байгуулах шаардлагатай бөгөөд энэ хүрээнд иргэдэд мэдээллийг түгээх, үзлэг шинжилгээ хийх, эрт оношлох, эмчлэх, эмч мэргэжилтнийг сурган чадавхижуулах, шаардлагатай багаж, тоног төхөөрөмжөөр хангахтай холбоотой бэрхшээлтэй, шийдлээ хүлээж байгаа олон асуудлууд байна.
Эмнэлгийн үзлэг, шинжилгээ хийх боломжтойгоор бүрэн тоноглосон 574 сая гаруй төгрөгийн өртөг бүхий том оврын автобусыг ХСҮТ хүлээн авлаа. БНХАУ-д үйлдвэрлэсэн уг автобусанд рентген шинжилгээ, зүрхний цахилгаан бичлэг, ЭХО, лабораторийн шинжилгээ хийх, ерөнхий болон эмэгтэйчүүдийн үзлэг хийх, цахилгаан, интернеттэй холбогдсон, эмч, сувилагчийн сандлыг байршуулах зэргээр орчин үеийн хэрэгцээ шаардлагад нийцүүлэн тоногложээ.
0
0
0
0
0
0
0
0
