Голомт банк 2024 оны “Онцлох ТоС Банк”-аар шалгарлаа
Бээжингийн эрх баригчид ирэх таван жилийн хугацаанд Ковидийг тэглэх хатуу бодлого, тэр дундаа олон нийтийн заавал тест хийх, аялал жуулчлалыг хязгаарлах зэрэг арга хэмжээ авч магадгүй гэж зарлав.
Даваа гарагийн үдээс хойш нийтэлсэн мэдэгдэл Хятадын Коммунист намын Бээжин дэх нарийн бичгийн дарга Цай Цитэй холбоотой байв. Уг мэдэгдэлд "Ирэх таван жилд Бээжин тахал өвчнөөс урьдчилан сэргийлэх, хянах ажлыг хэвийн болгох болно" гэжээ.
Уг мэдэгдлийг Бээжингийн өдөр тутмын сонин анх нийтэлж, төрийн бусад хэвлэл мэдээллийн хэрэгслээр дахин нийтэлсэн байна. Энэ нь олон нийтийн мэдээллийн хэрэгслээр өргөн тархсан боловч удалгүй ихэнх онлайн хэвлэлээс "таван жил" гэсэн нь хасагдаж, Weibo дээрх холбогдох hashtag устгагдсан байна.
Энэ мэдэгдэлд "хамтарсан урьдчилан сэргийлэх, хяналтын зохицуулалтын механизмын хатуу удирдлага" болон онцгой байдлын хариу арга хэмжээ авах тогтолцоо, түүний дотор "тусгаарлах, удирдах, хянах… Мөн орон сууцны хатуу хяналт шалгалтыг үргэлжлүүлэх, тогтмол шалгалтыг “хэвийн болгох”, хот руу орох, гарах гарцыг зохицуулах талаар дурджээ.
БНХАУ-ын эрх баригчид Ши Жиньпиний удирдамжийн дагуу дэлхийн бусад улс орнууд зэрэгцэн орших эсвэл саармагжуулах замыг сонгосон хэдий ч тус улсыг Ковидгүй бодлого баримталж байгаа, урьдчилан таамаглах аргагүй арга хэмжээнүүд орон нутгийн иргэдэд нөлөөлж байгаа тул орон нутгийн эрх баригчдад “Тэг Ковид”арга хэмжээгээ эдийн засгийн өсөлттэй тэнцвэржүүлэхийг тушаасан аж.
Даваа гарагийн мэдэгдэл болон дараагийн нэмэлт өөрчлөлт нь Бээжингийн оршин суугчдад таагүй байгаа бололтой. Олон нийтийн сүлжээнд сэтгэгдэл бичсэн хүмүүсийн дийлэнх нь “Тэг Ковид” ахин таван үргэлжлэх төлөвлөгөөг гайхаж буйгаа илэрхийлсэн байна.
Weibo-ийн нэгэн хэрэглэгч "Тахалтай тэмцэх эцсийн зорилго бол хэвийн амьдралдаа буцах явдал бөгөөд хүн бүр үүнийг мартсан бололтой" гэж бичжээ.
Хятадын "Тэг Ковид" стратеги нь өмнөх хувилбаруудын дэгдэлтийн үед үр дүнтэй байсан боловч Омикрон дэд хувилбарын хурдан халдварлаж, тархдагаас болж бэрхшээлтэй тулгарсан.
“Тэг Ковид”-ын үр дүнд Шанхайд урт удаан, заримдаа эмх замбараагүй, эдийн засгийн хохирол учруулсан хөл хорионы дэглэм тогтоож, Бээжинд аялал жуулчлал, нийгмийн хатуу хязгаарлалтууд бий болсон. Бусад хотууд ч гэсэн хотын хэмжээнд эсвэл ойр орчмынхоо хувьд хүнд хэцүү хөл хорионд орсон.
Ням гарагт Бээжин биечлэн сургалтыг дахин эхлүүлэхээ мэдэгдэв. Шанхайн эрх баригчид өнгөрсөн гуравдугаар сараас хойш анх удаа амралтын өдрүүдэд шинэ тохиолдол гараагүй гэж мэдээлэв. Гэсэн хэдий ч гэнэтийн хөл хорио, аялал жуулчлалыг хязгаарлах аюул байсаар байна. Өнгөрсөн долоо хоногт Шэньжэнь хотод нэг тохиолдол бүртгэгдсэний дараа хөрш зэргэлдээ орших хэд хэдэн орон сууцны барилгыг хаажээ. Ням гарагт тохиолдлын тоо арав гаруй болж өссөн тул үзвэр үйлчилгээний газар, цэцэрлэгт хүрээлэнгүүдийг хаах, хөл хорио үргэлжлэх хугацааг нь сунгасан юм.
Эх сурвалж: The Guardian
0
0
0
0
0
0
0
0
