Эx газрын БНXАУ болон Тайванийн арлын төвөгтэй xарилцаа
Буркина Фасо улсын хойд хэсэгт “Аль-Каида” болон “Лалын улс” бүлэглэлтэй холбоотой хүчирхийлэл нэмэгдэж байна.
Өнгөрсөн амралтын өдрүүдэд Буркина Фасогийн хойд хэсэгт зэвсэгт этгээдүүд 55 хүний аминд хүрсэн бөгөөд лалын хэт даврагчдын хүчирхийлэл улам бүр нэмэгдсээр байгаа аж.
Сэжигтэй зэвсэгт этгээдүүд Сено мужийн Сейтенга хотын энгийн иргэдийг онилсон гэж засгийн газрын хэвлэлийн төлөөлөгч Вэндкуни Жоэль Лионел Билго хэвлэлийн бага хурал дээр мэдэгдэв. Засгийн газар албан ёсоор амь үрэгдэгсдийн тоог 55 гэж мэдэгдсэн бол зарим нь 100 гаруй хүн нас барсан гэж мэдэгдэж байгаа юм.
Аль-Кайда болон Исламын улс бүлэглэлтэй холбоотой халдлага Буркина-Фасо, ялангуяа хойд хэсэгт газар авч байгаа бөгөөд Жихадистууд өнгөрсөн долоодугаар сард Солхан хотод халдлага үйлдэж, 160 хүний аминд хүрсэн. Нэгдүгээр сард цэргийн эргэлт гарч ардчилсан сонгуулиар сонгогдсон ерөнхийлөгчийг түлхэн унагасан ч хүчирхийлэл улам бүр нэмэгдсээр байна. Засгийн газар ард түмнээ босогчдын эсрэг эв нэгдэлтэй тэмцэхийг уриалж эхэлжээ.
Халдлагын хариуцлагыг аль ч бүлэглэл хүлээгээгүй ч мөргөлдөөн судлаачид үүнийг Исламын улс бүлэглэл үйлдсэн байж магадгүй гэж үзэж байгаа юм.
“Сүүлийн долоо хоногт Их Сахар дахь Исламын улс (ISGS)-ын хамгийн түрэмгий бүлэглэл, ялангуяа Сено, Оудалан мужуудад байрлаж байгаа гэх мэдээлэл цацагдаад буй. Буркина Фасо улсад сүүлийн хоёр жилийн хугацаанд лалын хэт даврагчдыг буруутгасан хүчирхийллийн улмаас 5000 орчим хүн амиа алджээ. Дахин 2 сая хүн орон гэрээ орхин дүрвэсэн нь тус улсын хүмүүнлэгийн хямралыг улам гүнзгийрснийг харуулж буй юм.
Эх сурвалж: The Guardian
0
0
0
0
0
0
0
0
