Байдены заxиргaa бүрэн эрxийнxээ xугацаанд Украины өрийг тэглэxийг эрмэлзэж байна
Ням гарагт Нигерийн Ондо мужийн баруун өмнөд хэсэгт орших Гэгээн Францисын католик сүмд мөргөл үйлдэгчид цугларч байхад халдлага үйлдсэний улмаас дор хаяж 50 хүүхэд, түүний дотор олон хүүхэд амь үрэгджээ.
Зэвсэгт этгээдүүд гал нээж, тэсрэх бөмбөг дэлбэлжээ. Халдлага болсон Ово хотыг төлөөлж буй Аделэгбе Тимилейний хэлснээр 50-иас доошгүй хүн амиа алдсан гэнэ.
Ово хотын нэгэн эмнэлгийн эмч 50-иас доошгүй цогцсыг Овогийн Холбооны эрүүл мэндийн төв болон Сент Луис католик эмнэлэгт шилжүүлсэн гэдгийг сэтгүүлчдэд хэлжээ.
Эрх баригчид амиа алдагсдын тоог албан ёсоор зарлаагүй байна. Ням гарагт болсон халдлагын хариуцлагыг ямар ч бүлэглэл хүлээгээгүй байгаа юм.
Халдлага болсон газраас авсан дүрс бичлэгт сүм хийд цусанд хутгалдан хэвтэж, эргэн тойрон дахь хүмүүс уйлж буйг харуулсан байна. Ово нь Нигерийн хамгийн том хот болох Лагосоос зүүн тийш 345 км зайд оршдог. "Овогийн түүхэнд ийм аймшигтай хэрэг гарч байгаагүй" гэж хууль тогтоогч Огунмоласуйи Олуволе мэдэгджээ.
Тус мужийн захирагч Акередолу "Бид эдгээр халдагчдыг агнаж, тэднээр хийсэн хэргийнх нь төлбөрийг төлүүлэхийн тулд боломжтой бүх нөөц бололцоогоо дайчлах болно" гэж тэр мэдэгдэлдээ дурдаад, халдлагыг "бузармаг, сатаны үйл" гэж нэрлэжээ.
Нигерийн ихэнх хэсэг нь аюулгүй байдлын асуудалтай тэмцэж байсан ч Ондо нь тус улсын хамгийн тайван мужуудын нэг гэдгээрээ алдартай байсан юм.
Эх сурвалж: Aljazeera
0
0
0
0
0
0
0
0
