Ч.Хантүмэн: Данс хаачихлаа, дарга нарыг мууллаа гээд ингэв үү
“Эмнести Интернэшнл” шинэ тайландаа гэмт бүлэглэлүүдийг баривчлах ажиллагааны үеэр дор хаяж 18 хүн “төрийн хамгаалалтад” нас барсан талаар онцлон дурджээ.
Эл Сальвадорын эрх баригчид хууль бусаар баривчлах, эрүүдэн шүүх, зүй бусаар харьцах зэрэг гэмт бүлэглэлийн хэлмэгдүүлэлтээр "хүний эрхийг асар их хэмжээгээр зөрчсөн" гэж Эмнести Интернэшнл мэдэгдэв.
Пүрэв гарагт гаргасан шинэ мөрдөн байцаалтын тайланд гуравдугаар сарын сүүлчээр ерөнхийлөгч Наиб Букелегийн засаг захиргаа зэвсэгт бүлэглэлийн хүчирхийллийг таслан зогсоохын тулд онц байдал зарласнаас хойш дор хаяж 18 хүн “төрийн хамгаалалтад” буюу шоронд эрүүдэн шүүгдэж, зүй бусаар амиа алдсан гэсэн тоог Сальвадорын ашгийн бус байгууллагаас гаргажээ. Уг тоог гаргасан Cristosal байгууллага нас барсан хүмүүс бүгд эрэгтэй байсан гэж мэдэгджээ. Зарим нь цаг тухайд нь эмнэлгийн тусламж аваагүйн улмаас нас барсан бол заримынх нь биед хөхөрсөн гэх мэт түрэмгийллийн шинж тэмдэг илэрчээ.
Мөн тухайн үед яллагдагчаар татагдсан 500 гаруй хоригдлын дийлэнх нь нотлох баримтгүй байсан ч яллагдагчаар татагдсан гэнэ. “Тэд бүлэглэлүүдийн үүсгэсэн аймшигт хүчирхийлэл, улс оронд тулгарч буй олон нийтийн аюулгүй байдлын түүхэн сорилтод үр дүнтэй хариу арга хэмжээ авахын оронд Сальвадорын ард түмнийг эмгэнэлт байдалд оруулж байна" тус байгууллагын АНУ дахь захирал Гевара-Росас хэлэв.
Өрнөж буй үйл явдлыг тодруулбал, Төв Америкт хүн амины хэрэг дээд хэмжээнд хүрсэн тул Букелегийн засгийн газар гуравдугаар сарын 27-нд онц байдал зарласан юм. Уг ажиллагаа анх хэрэгжсэнээс хойш цагдаа, армийнхан гэмт бүлэглэлд харьяалагддаг хэмээн буруутгагдаж 36 000 гаруй хүнийг баривчлаад байгаагийн 1190 нь насанд хүрээгүй хүүхдүүд байгааг албан ёсны тоо баримтад дурджээ.
“Эмнести Интернэшнл” болон бусад хүний эрхийн байгууллагууд энэхүү ажиллагааны үеэр гэм зэмгүй хүмүүсийг шүүрдэж болзошгүйд санаа зовж байгаагаа илэрхийлж буй. Сальвадорын гэр бүлүүд мөн баривчлагдсан ойр дотны хүмүүсийнхээ талаар ямар ч мэдээлэл олж авахгүй байгаа гэж мэдэгдсэн бөгөөд тэд гэмт бүлэглэлийн холбоогүй байсан ч тэднийг баривчилсан гэж мэдэгджээ.
Эх сурвалж: Aljazeera
0
0
0
0
0
0
0
0
