Хотын дарга дүүрэг, хороодын Засаг дарга нартай сар бүр уулзана
Мягмар гарагт Техасын Увалде хотын бага сургуульд зэвсэгт этгээд 18 хүүхэд, нэг багшийн аминд хүрсэн халдлага гарчээ.
Сан Антонио хотоос баруун зүгт орших Увалде хотын 2-4-р ангийн сурагчид суралцдаг Робб бага сургуульд уг халдлага болсон байна. Халдлага үйлдсэн этгээд ойролцоох ахлах сургуульд сурдаг 18 настай залуу болохыг тогтоосон бөгөөд гэмт этгээд мөн газар дээрээ нас барсан гэж албаныхан мэдэгдэв.
Амбан захирагч Грег Эббот хэвлэлийн бага хурал дээр "Гэмт хэрэгтэн энэ халдлагыг яах гэж үйлдэж, хүүхдүүдийн аминд хүрэх болсон нь тодорхой биш байна” гэж мэдэгджээ. Мягмар гарагийн орой Увалде хотод айж сандарсан эцэг эхчүүд хүүхдүүдийнхээ аюулгүй байдлын тухай мэдээ хүлээж, хууль сахиулах ажилтнууд аллага хэрхэн болсныг нэгтгэх гэж хичээж байх үеэр олон нийтийн буудлага бууны тухай хууль, зэвсгийн тархалтын талаарх үндэсний улс төрийн маргаан дахин эхлэв. Уг халдлагаас арав хоногийн өмнө зэвсэгт этгээд Buffalo хүнсний дэлгүүрт 10 хүнийг буудан хөнөөсөн хэрэг гарсан.
Увалде хотод болсон халдлага нь энэ онд АНУ-д гарсан хамгийн олон хүний аминд хүрсэн халдлага болж байна.
Албаны хүмүүсийн мэдэгдсэнээр гэмт хэрэгтэн мужийн оршин суугч бөгөөд Увалде хотын ахлах сургуульд сурдаг, халдлагыг ганцаараа үйлдэл гэжээ. Гэмт хэрэгтэн бага сургуульд гар буу, магадгүй винтовтой орсон байх гэж үзэж байгаа аж. Мөн гэмт хэрэгтэн нэг ангид эсвэл хэд хэдэн ангийн хүүхэд рүү буудсан эсэх нь тодорхойгүй байгаа бөгөөд албаны хүмүүс амиа алдсан сурагчид болон багшийн нэр, насыг мэдээлээгүй байна.
Сальвадор Рамос гэж тодорхойлсон зэвсэгт этгээд сургуулийг онилсон уу, эсвэл санамсаргүй байдлаар тэнд очсон уу гэдгийг судалж байгаа гэж хууль сахиулах байгууллагын ажилтан мэдэгдээд, мөрдөн байцаалтын ажиллагаа үргэлжилж байна гэв.
Халдлага болохоос өмнөхөн 66 настай эмэгтэй бууны шархтай Сан Антониогийн эмнэлэгт хүргэгджээ. Албаны хүний хэлснээр, энэ эмэгтэй гэмт этгээдийн эмээ байсан бололтой, гэхдээ тэдний холбоо, хэрэг гарсан шалтгааныг шалгаж байгаа гэнэ.
Буудалцаан өглөөний 11 цаг 30 минутын орчимд болсон бөгөөд үдээс хойш ихэнх хугацаанд мэдээлэл цацагдахын хэрээр сэтгэл зовсон эцэг эхчүүдийг сургуулиас хол байхыг дүүргийн зүгээс үүрэг болгожээ. Сургуулийн зүгээс "Одоогоор сурагчдыг авахгүй байхыг хүсье" гэж эцэг эхчүүдэд хандсан мэдэгдэлдээ дурдаад "Сурагчдыг эцэг эхийнх нь гарт шилжүүлэхээс өмнө нягталж үзэх хэрэгтэй" байгаагаа мэдэгдсэн байна.
Эх сурвалж: New York Times
0
0
0
0
0
0
0
0
