Б.Жавхлан: Гадаад валютын улсын нөөц таван тэрбум ам.долларт хүрлээ
Улаанбаатар хотын худалдааны танхимын гүйцэтгэх захирал Б.Хаш-Эрдэнээс бизнесийн орчны нөхцөл байдлын талаар тодрууллаа.
-Сүүлийн хоёр жилийн хугацаанд улс орон бүр хүнсний аюулгүй байдлаа хангах, дотооддоо импортоос хамааралгүй хүнсээ үйлдвэрлэх бодлогыг баримталж эхэлж байна. Улаанбаатар хотын худалдааны танхимын гишүүн байгууллагууд импортыг орлох бараа бүтээгдэхүүн үйлдвэрлэх төслүүдийг хэр анхаарч байгаа вэ?
Улаанбаатар хотын худалдааны танхимын гишүүн байгууллагууд ихэвчлэн томоохон аж ахуйн нэгжүүд байдаг учраас өөрсдөө хөрөнгө оруулалт хийх сонирхолтой байдаг. Жишээлбэл, хүнсний хангамжийн асуудал маш чухал. Найдвартай хүнсний хангамж бий болгох шаардлагатай тариалан эрхлэгчид, хүлэмжийн аж ахуй эрхлэгчид гэх мэт аж ахуйн нэгжүүдэд зайлшгүй хөрөнгө оруулалт шаардлагатай. Манай гишүүн компаниуд ийм төрлийн аж ахуйн нэгжүүдэд бид хөрөнгө оруулалт хийх сонирхол өндөр байгаа. Төслүүдийг хайж байна.
"ААН-үүд импортыг орлох бүтээгдэхүүн үйлдвэрлэдэг болъё гэж зорьж байна"
Энэ чиглэлийн хөрөнгө оруулалт шаардлагатай байгаа компаниудын төслүүдийг бидэнтэй холбож өгөөч гэдэг хүсэлт маш их ирдэг. Тиймээс манай Улаанбаатар хотын худалдааны танхимаас хөрөнгө оруулалт шаардлагатай байгаа жижиг дунд аж ахуйн нэгжүүдийн төслүүдийг хүлээж авч эхэлж байна. Төслөө өгч байгаа компаниудын хувьд миний төслийг хулгайлчих вий гэсэн айдас байдаг. Бидний хувьд хөрөнгө оруулах сонирхолтой байгаа талтайгаа тохиролцсоны дагуу Улаанбаатар хотын худалдааны танхимын хувьд 100 хувь мэдээллийн аюулгүй байдлыг хангаж ажилладаг. Бүх аж ахуйн нэгжүүд гадаад худалдаанаас илүү өөрсдөө импортыг орлох бүтээгдэхүүн үйлдвэрлэдэг болъё гэж сонирхож байна. Тэр болгонд зайлшгүй дутагддаг зүйлс байдаг. Үүнд, хөрөнгө оруулалтын асуудал, ур чадвар, технологийн асуудал гэх мэт маш олон зүйлүүдийг анхаарах хэрэг гарна. Энэ бүхнийг бид цогцоор нь шийдэхэд аж ахуйн нэгжүүддээ дэмжлэг олгох үүднээс чадавхжуулах хөтөлбөр гаргаж байгаа. Аж ахуйн нэгжүүд манай чадавхжуулах хөтөлбөрт хамрагдаад, өөрсдөдөө дутагдаж байгаа ур чадвараа эзэмшиж авсны дараа манай хөрөнгө оруулагчидтай уулзах боломжтой.
Сүүлийн жилүүдэд хөрөнгө оруулалт хийх сонирхолтой хүмүүс байхад, хөрөнгө оруулалт авах сонирхолтой хүмүүс хаана байна вэ гэхээр илүү хүнсний чиглэлээр, хүлэмжийн аж ахуйн нэгжүүд маш их байгаа. Ялангуяа өвлийн хүлэмжийн асуудалд. Зуны хүлэмж харьцангуй хямд өртөгтэй ч, маш богино хугацаатай. Өвлийн хүлэмж өртөг өндөртэй учраас зайлшгүй хөрөнгө оруулалт шаардлагатай байдаг. Одоо газар тариалангийн, барилгын улирал эхэлж байна. Дотооддоо барилгын материалаа үйлдвэрлэдэг болъё гэсэн сонирхолтой аж ахуйн нэгж олон байна.
0
0
0
0
0
0
0
0
