Ч.Хантүмэн: Данс хаачихлаа, дарга нарыг мууллаа гээд ингэв үү
Бид нэг дэлхий дээр амьдардаг ч хүн бүрийн дотоод ертөнц, мэдрэмжүүд өөр өөр байдаг. Завгүй амьдарлынхаа хэв маягт дарагдаж, амьдралын утга учир, үнэ цэнийн тухай зарим зүйлсийг анзаарахгүй өнгөрөөх нь бий. Тэгвэл энэ бүхнийг “Ганцхан шалтгаан” УСК харуулж, энэ сарын 20-нд нээлтээ хийх гэж байна. Бид кино багийн уран бүтээлчидтэй ярилцаж киноны талаарх мэдээллийг авлаа.
Энэ талаар кино зохиолыг бичиж найруулсан Г.Батзаяа найруулагч, “Манай кино зураг авалтын багийнхан тэр чигээрээ залуучууд байгаа. Бүгд 90-ээс дээш оныхон. Миний хувьд найруулагч мэргэжилтэй. Ганцхан шалтгаан кино бол найруулагчаар ажиллаж байгаа анхны бүрэн хэмжээний уран сайхны кино. Намайг хүмүүс хорт хавдар туссанаар мэддэг болохоор миний түүх гэж бодож магадгүй. Гэхдээ үгүй ээ. Эмнэлгийн орон дээр хүмүүст хэлэхийг хүссэн зүйл, бодож тунгаасан бүхнээ киногоороо илэрхийлсэн. Хүний дотор байдаг мэдрэмжүүдийг үзүүлэхийг хичээсэн гэсэн үг юм. Кино маань хүмүүст өөр мэдрэмжийг өгнө гэдэгт итгэлтэй байгаа. Би анх хорт хавдрын эмчилгээгээ 9 дүгээр сарын 20-нд эхлүүлж байсан. Гуравдугаар сарын 20-нд чөмгөө солиулж байсан юм. Тэгвэл хоёр жил нэг сарын дараа буюу дөрөвдүгээр сарын 20-нд киногоо нээх гэж байна. 20 гэсэн өдрүүдэд юм болгон аз жаргалтайгаар дуусаж, олон зүйлийг ойлгуулдаг. Үүнтэй адил миний амьдралын хоёрдугаар хагас 2022.04.20-нд эхэлж байгаа юм" гэлээ.
Харин кинонд Мааяа охины дүрийг зургаадугаар ангийн сурагч залуу уран бүтээлч У.Нартай бүтээжээ. Тэрбээр кино болон дүрийнхээ талаар, Манай киноны Мааяа гээд охин маш өөдрөг найзтай болохыг хүсдэг. Сайхан сэтгэлтэй охин. Жинхэнэ дүр нь Мятрашгүй Мааяа гээд 2015 онд нас барсан охин юм. Хорт хавдартайгаа тэмцээд, 15 насандаа хараагүй болсон юм билээ. Тэр охины дүрийг гаргасан байгаа. Гэхдээ би их өөдрөг. Ганц өөр юм нь надад олон найзтай байдаг. Найзгүй байж үзээгүй болохоор дүрээ бүтээхэд жаахан хэцүү санагдсан. Мэдээж кинонд тоглох гоё. Өөрийнхөө дуртай зүйлийг хийж байгаа болохоор тэр шүү дээ. Кинонд Мааяа охин хөөрхөн ээжийгээ уйлуулаад, зовоож байгаадаа харамсдаг хэсэг нь их хэцүү байсан. Манай кино сургамжтай гэхээс илүү гудамжаар явж байгаа хүмүүс энгийн ч гэсэн дотроо өөр өөрийн гэсэн зан араншинтай. Өөрийн гэсэн нууцтай. Хадгалдаг зовлон байдаг. Түүнийг бүгд ойлгоосой гэдгийг харуулсан” гэв.
Мөн энэ талаар киноны гол дүрийн жүжигчин, залуу уран бүтээлч Ц.Тэгшбаяр, “Кинон дээрээ Хишиг гээд залуугийн дүр дээр ажилласан. Манай киног үзээд ямар ч гэсэн нэг зүйлийг ойлгоод гарна. Эргэн тойрны хүмүүсээ хайрлаж хайхрахгүй өнгөрсөн байдаг үе бий шүү дээ. Түүнийгээ эрт ухаараасай гэдэг зүйлийн төлөө явах тийм дүр. Манай киноноос үзэгчид арай өөр зүйлийг ойлгох байх. Дөрөвдүгээр сарын 20-нд уулзацгаая” гэсэн юм.
Ганц шалтгаан УСК-ны продюсер М.Аззаяа:
– “Ганцхан шалтгаан” кино бидний Заяаг гэсэн хайран дээр бүтсэн гэж ойлгож болно. Шууд зохиолыг уншихад маш үнэн мэдрэмж төрсөн. Кино уран бүтээл талаасаа агуулга, хийцлэлийн хувьд маш их зүтгэсэн учраас тэр маань үзэгчдэд таадагдах байх гэж найдаж байгаа.
Киноны ивээн тэтгэгч National life даатгал компанийн мэргэжилтэн н.Болорцэцэг:
-Монгол улсад хорт хавдрын тохиолдол маш ихээр бүртгэгдэж, үүний улмаас шаналж буй хүмүүсийн цаана ар гэрийнхэн нь маш их шаналж байсан л даа. Урт хугацааны даатгалаараа дамжуулаад эдгээр хүмүүст туслах, урьдчилан сэргийлэхэд нь зорьж ажиллах ёстой. Яагаад кино багийнхантай нэгдэж нийлсэн бэ гэхээр бидний зорилго яг энэ Ганцхан шалтгаан кино хийж байгаа баг хамт олны зорилготой ижил байсан.
0
0
0
0
0
0
0
0
