Байдены заxиргaa бүрэн эрxийнxээ xугацаанд Украины өрийг тэглэxийг эрмэлзэж байна
Улаан буудай, ургамлын тос, эрдэнэ шиш, үр тарианы үнэ өсөж, хүнсний хомсдол, өлсгөлөнгийн хямралд нэрвэгдлээ. ОХУ хөдөө аж ахуйн хүчирхэг гүрэн болох Украин руу дайрсны дараа дэлхийн хүнсний үнэ өнгөрсөн гуравдугаар сард түүхэн дээд хэмжээндээ хүрснийг НҮБ-ын агентлаг баасан гарагт мэдэгдлээ. Энэ нь дэлхий даяар өлсгөлөнгийн эрсдэлд нэмэгдэнэ гэсэн үг юм.
Хоёрдугаар сарын 24-ний дайралт болон Оросын эсрэг олон улсын хориг арга хэмжээний улмаас экспортын урсгал тасалдсан нь дэлхийн өлсгөлөнгийн хямрал, ялангуяа Ойрхи Дорнод, Африк даяар өлсгөлөнгийн хямрал үүсэхээс болгоомжлоход хүргэж байна. Үр тариа тариалсан бүс нутгууд нь дэлхийн талхны гол сагсны нэг бөгөөд улаан буудай, ургамлын тос, эрдэнэ шиш зэрэг хэд хэдэн гол түүхий эдийн дэлхийн экспортын асар их хувийг эзэлдэг бөгөөд үнэ нь өнгөрсөн сард урьд өмнө байгаагүй өндөр түвшинд хүрсэн.
Украины боомтууд Оросын бүслэлтийн улмаас хаагдсан. Тариалалтын үеэр дайн үргэлжилж байгаа тул энэ жилийн ургацын талаар санаа зовж эхэллээ.
НҮБ-ын Хүнс, Хөдөө Аж Ахуйн Байгууллага (FAO)-аас мэдээлснээр хүнсний сагсан дахь барааны олон улсын үнийн сар бүрийн өөрчлөлтийг тооцдог Хүнсний үнийн индекс өнгөрсөн сард дунджаар 159.3 нэгж болж, хоёрдугаар сараас 12.6 хувиар өссөн байна. Энэ нь хоёрдугаар сарын индекс 1990 онд байгуулагдсанаасаа хойшхи хамгийн өндөр түвшинд хүрсэн гэсэн үг юм.
Улаан буудай болон овъёос, арвай, эрдэнэ шиш зэрэг үр тарианы үнэ 17.1 хувиар өсөхөд Украины дайн голлон нөлөөлсөн гэж НҮБ-ын ХХААБ мэдэгдэв. Дэлхийн улаан буудай, эрдэнэ шишийн экспортын ойролцоогоор 30 орчим хувийг Орос, Украин эзэлж байна. Хоёрдугаар сарын огцом өсөлтийг тооцвол энэ нь үнэхээр гайхалтай юм” гэж НҮБ-ын ХХААБ-ын зах зээл, худалдааны хэлтсийн дэд захирал Йозеф Шмидхубер "Хүнсний үнэ өссөн нь яаралтай арга хэмжээ авах шаардлагатай байгааг харуулж байна" гэв.
Хамгийн ихээр үнэ нь өссөн бүтээгдэхүүн бол ургамлын тос байна. Ургамлын тосны үнийн индекс 23.2 хувиар өссөн нь хоол хийхэд хэрэглэдэг наранцэцгийн тосны үнийн өсөлтөөс шалтгаалсан байна. Украин наранцэцгийн тосны экспортоор дэлхийд тэргүүлдэг бол Орос улс хоёрдугаарт ордог.
Элсэн чихэр, сүүн бүтээгдэхүүний үнэ "мөн мэдэгдэхүйц өссөн" гэж НҮБ-ын ХХААБ мэдэгдэв. Шмидхубер Женевт сэтгүүлчдэд хэлэхдээ "Мэдээж нийлүүлэлт их хэмжээгээр тасалдсан бөгөөд Хар тэнгисийн бүс нутгаас нийлүүлэлт их хэмжээгээр тасалдсан нь ургамлын тосны үнийг өсгөсөн" гэж хэлэв.
Эх сурвалж: Aljazeera
0
0
0
0
0
0
0
0
