Байдены заxиргaa бүрэн эрxийнxээ xугацаанд Украины өрийг тэглэxийг эрмэлзэж байна
Жүжигчин Уилл Смит эхнэрийг нь халзан хэмээн шоглосон комедиан Крис Рокийг тайзан дээр алгадсан нь шуугиан дэгдээгээд буй.
Оскарын наадмыг зохион байгуулагчид Уилл Смитийг наадмын тайзнаа хүчирхийлэл үйлдсэн хэмээн буруутгасан бол жүжигчин Уилл Смит хийсэн үйлдэлдээ уучлалт гуйсан билээ.
Олон нийт Уилл Смитийн эхнэр Жада Пинкетт Смитийг ямар нэгэн тайлбар хийх байх гэж хүлээж байсан ч тэрээр Инстаграм хуудастаа "Энэ бол эдгэрлийн улирал, би үүний төлөө энд байна" гэсэн пост оруулснаас бусдаар таг чиг байгаа юм.
Оскарын шагнал гардуулах ёслолын үеэр болсон явдал Уилл Смитийн уучлалт гуйсан явдлын талаар хөтлөгч, комедиан Крис Рок олон нийтэд тайлбар хийгээгүй байна. Харин уг явдалтай холбоотойгоор Крис Рокийн удахгүй болох инээдмийн шоуны тасалбарын борлуулалт огцом өсжээ.
Шууд үйл явдлын тасалбар борлуулах TickPick сайтын эх сурвалжийн мэдээлснээр Крис Рокийн шоуны тасалбар өмнөх сарынхаас илүү зарагдсан гэжээ.
Лхагва гарагт Крис Рокын шоуны үнэ 46 доллараас 411 доллар болж өссөн гэж CBS-ээр мэдээлэв.
Сарын өмнө худалдаанд гарсан Крис Рокийн аялан тоглолтын тасалбарын талаас илүү хувь нь Оскарын наадмын үеэр болсон явдлын дараа ийнхүү зарагдсан байна.
Эх сурвалж: BBC News
0
0
0
0
0
0
0
0
