Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
УИХ-ын гишүүн С.Одонтуяа “Хэт чихэрлэг ундааны хэрэглээг бууруулах тухай” хуулийн төсөл өргөн барьж буй талаараа мэдээлэл хийлээ.
Тэрбээр "УИХ-ын 11 гишүүн Хэт чихэрлэг ундааг хязгаарлах тухай хууль санаачилж, УИХ-ын даргад өргөн барьсан. Манай улсын хамгийн тулгамдсан асуудлын нэг нь чихрийн шижин өвчин болоод байна. 7-11 настай хүүхдийн таргалалт сүүлийн долоон жилийн дотор долоо дахин өссөн. ДЭМБ-аас хэт чихэрлэг ундааг хязгаарлахгүй бол сөрөг үр дагавар гарч байгаа талаар анхааруулж байгаа.
Урт хугацаанд үр дүнгээ өгөх хуулийг бид өргөн барилаа. Эрүүл мэндийн салбарын хууль 10-15 жилийн дараа үр дүнгээ өгдөг. Чихрийн хэмжээг хэт их авч байгаа хүмүүсээс судалгаа авахад 68 хувь нь ундаанаас авдаг гэж хариулсан. Тиймээс уг хуулийг өргөн барьж байна. Татварын орлого олохдоо гол нь биш, эрүүл мэндийн салбарын зардлыг бууруулах, монгол хүний эрүүл мэндийг сахин хамгаалахад чиглэсэн хууль юм.
2024 оны нэгдүгээр сарын 1-нээс хэрэгжихээр тооцож, хуулийг оруулж байна. Энэ хооронд үйлдвэрлэгчид технологийн өөрчлөлт хийх, иргэдэд энэ чиглэлээр таниулах ажил, хуулийн хэлэлцүүлэг хийнэ" гэв.
0
0
0
0
0
0
0
0
