О Ён Сү бэлгийн дарамт үзүүлсэн xэргээр xоригдоx ял сонсов
Конгод мачете сэлэмтэй этгээдүүд долоон хүүхэд, түүний дотор хоёр настай охин, 25-32 насны таван эмэгтэйн аминд халдсан аймшигт хэрэг гарлаа. Бүгд Найрамдах Ардчилсан Конго Улсад болсон уг хэргийн талаар Улаан загалмайн нийгэмлэг мэдэгдсэн юм. Эрх баригчид уг халдлагад цуутай зэвсэгт бүлэглэлийг буруутгаж байгаа аж.
Итуригийн Джугу дүүргийн нийгэмлэгийн удирдагч Жан Д'Зба Банжу хэлэхдээ, "гэмт этгээдүүд тус бүсэд олон үндэстний аллага үйлдсэн хэрэгт буруутгагдаж буй CODECO зэвсэгт бүлэглэлийнх байсан" гэжээ.
“CODECO-гийн цэргүүд Дракпа руу орж, хүмүүсийг сэлмээрээ цавчиж эхэлсэн. Тэд тайван ажиллахын тулд буун дуу гаргалгүй сэлэм ашигласан байх” гэж Банжу ням гарагт Франс Пресс агентлагт ярьжээ. "Хохирогчид Нготши тосгоноос дүрвэж Дракпа хотод суурьшсан иргэд байсан байна. Сэлэмтэй этгээдүүдийн гарт өөр таван хүн шархаджээ.
Алтаар баялаг Итури мужид 2017 оны сүүлчээс эхлэн CODECO бүлэглэл гарч ирснээр дахин хүчирхийллийн циклд орж, улмаар өрсөлдөгч фракцуудад хуваагдсан аж. Тус бүлэглэл нь Ленду угсаатны ашиг сонирхлыг төлөөлдөг гэж үздэг улс төр-шашны урсгал юм.
Итури болон хөрш зэргэлдээ Хойд Киву мужууд тавдугаар сарын 6-наас хойш бүслэлтийн байдалд байгаа бөгөөд энэ нь CODECO болон Холбоот ардчилсан хүчнийхэн (ADF) зэрэг зэвсэгт бүлэглэлтэй тэмцэх онцгой арга хэмжээний хүрээнд хийгдэж буй хамгаалалт ажээ.
Эх сурвалж: Aljazeera
0
0
0
0
0
0
0
0
