Б.Саранчимэг, Б.Баярсайхан, Д.Сарангэрэл, Ц.Мөнхцэцэг нарыг МАН-ын УЗ-өөс чөлөөллөө
ХХААХҮ-ийн сайд З.Мэндсайхан Засгийн газрын ээлжит хуралдаанаас гарсан шийдвэрийг танилцууллаа.
Тэрбээр, "Атрын дөрөвдүгээр аян өрнүүлнэ. Мөн хүлэмжийн аж ахуй эрхлэгчдийг Засгийн гараас дэмжинэ гэв. Тодруулбал, хүлэмжийн аж ахуй эрхлэгчдэд өмнө нь эрчим хүчний үнийн тарифын хөнгөлөлтийг арваннэгдүгээр сарын 1-нээс тавдугаар сарын 1-ний хооронд 22:00-06:00 цагийн хооронд үзүүлдэг байв. Тэгвэл энэ хугацааг аравдугаар сарын 15-наас тавдугаар сарын 1 болгон сунгаж, хөнгөлөлт үзүүлэх цагийг 18:00-06:00 цаг болголоо. Энэ шийдвэр нь хүлэмжийн аж ахуй эрхлэгчдэд үйлдвэрлэлээ нэмэгдүүлэхэд нь дэмжлэг болох юм.
- Мөн энэ жилийн хаврын тариалалт болон малчдад зориулсан хөдөө аж ахуйн зээл гаргалаа. Засгийн газраас хөдөө аж ахуйн салбарт зориулсан 400 тэрбум төгрөгийн 3 хувийн хүүтэй зээлийг гаргаж байна.
- Ноолуурын үйлдвэрүүдэд түүхий эдээ бэлдэхэд нь зориулж 150 тэрбум төгрөгийн зээл олгоно. Эдгээр зээлийн хүүгийн зөрүү болох 7.5 хувийг Засгийн газар төлнө.
- Газар тариалангийн бүс нутагт малын хөлийн татварыг бусад нутгаас илүү өндөр хураадаг болно. Хуулийн төслийг боловсруулан удахгүй УИХ-д өргөн барихаар тогтсон. Газар тариалангийн бүс нутагт уламжлалт мал аж ахуй биш, эрчимжсэн аж ахуй хөгжүүлэх бодлогыг Засгийн газар барьж байна.
- Борлуулалтгүй үлдсэн, 50 мянган тонн улаан буудайг Засгийн газар худалдан авах шийд мөн гарчээ. Дээрх бүх шийдвэрийг олон улсын байдал тогтворгүй, тодорхойгүй болсон өнөө үед хүнсний хангамжийг тогтворжуулах, нөөц бүрдүүлэх зорилгоор гаргажээ.
- Хаврын тариалалт, намрын ургац хураалтад нийт 22.5 мянган тонн шатахуун шаардлагатай.Тэгвэл хаврын тариалалтад зориулж нийт 6.5 тэрбум төгрөгийн шатахууныг хөнгөлөлт болгож гаргана. Үүнийг 50 хувийн урьдчилгаа төлбөртэйгөөр тариаланчдад олгохоор тус тус шийдвэрлэлээ" гэв.
0
0
0
0
0
0
0
0
