Б.Саранчимэг, Б.Баярсайхан, Д.Сарангэрэл, Ц.Мөнхцэцэг нарыг МАН-ын УЗ-өөс чөлөөллөө
Өчигдөр /2022.03.10/ Монгол Улсын Хөгжлийн банкнаас олгосон зээлийн багц, эргэн төлөлтийн талаарх мэдээлэл хүргэлээ. Анх олон нийтэд мэдээлэл цацсан 1 дүгээр сарын 20-ны өдрөөс хойш 3 дугаар сарын 09-ний дотор буюу нийт 48 өдрийн хугацаанд 78,824,445,439 /далан найман тэрбум найман зуун хорин дөрвөн сая дөрвөн зуун дөчин таван мянга дөрвөн зуун гучин ес/ төгрөгийн зээлээ ААН-үүд төлжээ.
Гэвч энэ дүн нь зээл төлөгдөж байна хэмээн хөөрцөглөх үзүүлэлт биш юм.
Учир нь нийт төлөгдсөн 78 тэрбумын 15 тэрбумыг нь хэвийн зээлийн ангилалд багтаж байсан зээлдэгчид, 47 тэрбумыг нь анхаарал хандуулах ангиллын зээлдэгчид, 16 тэрбумыг нь чанаргүй зээлдэгчид буюу жинхэнэ зээлээ төлөх учиртай зээлдэгчид тус тус төлжээ.
Хөгжлийн банкны нийт чанаргүй зээл 1.8 их наяд ба үүний 16,139,012,949 тэрбум нь төлөгдсөн гэхээр нийт чанаргүй зээлийн 0.855382 хувь нь буюу нэг хувь ч хүрэхгүй чанаргүй зээл л төлөгдөөд байна гэсэн үг.
Өөрөөр хэлбэл нийт чанаргүй зээлийн 1.8 их наяд гэх тоо 1.8 их наяд хэвээрээ л буй.
Хамгийн том чанаргүй зээлдэгчид буюу нийт чанаргүй зээлийн 77 хувийг бүрдүүлж буй 10 компани, ААН бий. Эдгээр 10 байгууллага л зээлээ төлөхгүй бол 2023 онд монгол улс бондынхоо өрийг төлж чадахгүйд хүрнэ.
Чанаргүй зээлдэгчдийн хамгийн том чанаргүй 10 зээлдэгч
1. Хөтөл ХХК 295 тэрбум, QSC ХХК 213 тэрбум. Эзэн сахал хочит Д.Эрдэнэбилэг.
2.Төрийн орон сууцны корпораци 214 тэрбум. Эзэн монгол улсын төр.
3. Бэрэн групп 169 тэрбум захирал Б.Мөнхтөр
4. Эрэл групп 161 тэрбум Б.Эрдэнэбат
5. Монполимет 113 тэрбум. Эзэн Ц.Гарамжав, Н.Мөнхнасан
6. Капитал банк 55 тэрбум Монгол мах экспо 38 тэрбум Монгол эм импекс 4,6 тэрбум. Нэг эзэнтэй гэгдэх ба эзэн нь Б.Ундармаа.
7. НВЦ 74 тэрбум Ц.Баатарбилэг
8. Ачлал трейд 52 тэрбум. Эзэн УИХ-ын гишүүн асан М.Билигт
9. Монгол драй милк 49 тэрбум Алтай констракшний Х.Бат-Эрдэнэ
10. Эгийн голын усан цахилгаан станц 43 тэрбум. Эзэн монгол улсын төр.
Эдгээр 10 ААН, компани зээлээ төлбөл нийт чанаргүй 1.8 их наядын 1.4 их наяд нь төлөгдөх юм.
Тэрбумаар тоологдох мөнгө мэдээж их. Гэхдээ том зургаар нь харвал хүүхдийг чихрээр хуурч байгаа аятай зээл төөлөгдөж байна гэж хэнийг ч тайвшруулах хэрэггүй бөгөөд том зээлдэгчдээсээ л өрөө барагдуулж чадахгүй бол иргэн бид тэр өрийг нь татвараараа дамжуулж төлөхөд хүрнэ. Зээл авсан хүн бүр зээлээ төлөх учиртай. Тиймээс бүгдээс нь л өрөө төлөх шаардлага тавих нь зүй. Гэхдээ төллөө төллөө гээд энэ арав л өрөө төлөхгүй бол бусад жижиг зээлдэгчид өрөө төлөөд ч нэмэргүй нь гашуун үнэн.
0
0
0
0
0
0
0
0
