Ч.Хантүмэн: Данс хаачихлаа, дарга нарыг мууллаа гээд ингэв үү
Энэ сарын сүүлээр ОХУ, Украины Харьков хотод үүрийн таван цагт агаарын довтолгоо хийсэн. Энэ үйл явдлыг олон улс судлаач, геополитикч нар хүйтэн дайн гэж үзэж байгаа юм. Украинаас салсан Донбассын хоёр мужийн тусгаар тогтнолыг хүлээн зөвшөөрөх тогтоолд ОХУ-ын ерөнхийлөгч Владимир Путин гарын үсэг зурснаар Украины дорнод хэсэгт одоогоор зөвхөн ОХУ-ын хүлээн зөвшөөрсөн Бүгд Найрамдах Донецк Ард Улс (БНДАУ), Бүгд Найрамдах Луганск Ард Улс (БНЛАУ) бий болсон.
ОХУ үндсэндээ хоёр Бүгд найрамдах улсыг хүлээн зөвшөөрч, хууль эрх зүйн орчныг нь бүрдүүлж байгаад Украины нутаг дэвсгэр рүү дайрч байгаа талаар судлаачид мөн л хэлж байна. Дэлхийн нийтийг хамарсан энэ асуудал дээр монголчууд ямар байр суурьтай байгааг та бүхэнд хүргэе.
ИРГЭД:
- Украиныг Орос алдвал болохгүй байх. Хил нь НАТО-гийн олон улстай холбоотой болчихвол Оросод хэцүү болно. Украин чинь европын ихэнх улсын буюу цахилгааны 75 хувийг хангадаг болохоор алдахыг хүсэхгүй байгаа байх. Оросууд өөрсдийгөө хамгаалж байгаа хэдий ч, өөр улс руу дайрна гэдэг буруу шүү дээ. Олон хүн дунд нь үрэгдэж байна. Оросын иргэд хүртэл дургүй байгаа. Хоёр талтай л байх. Оросууд Украины талыг аваад л зогсох байх даа. Манай Монголчууд бинзен цахилгаанаа Оросоос авдаг. Цаанаасаа дарамт шахалтаар авдаг шүү дээ. Тэдний үнэ өснө гэж бодож байна. Дээрээс нь Оростой холбоотой болохоор Европууд бидэнд дургүйцэх юм болов уу.
- Донеск, Луганск мужуудыг найман жил эвгүй байдалд байлгасан шүү дээ. Түүнийг чөлөөлөхөөр хийж байгаа ажиллагааг буруутгаад байх юмгүй гэж бодож байна. АНУ, холбоотнуудад Герман хүртэл сүүлд орчихлоо шүү дээ. Эдний бодлого ямар учиртай байдаг юм мэдэхгүй. Ойлгогдохгүй байна. Донеск Луганск чинь бараг сая хүн амтай шүү дээ. Үүнийг тоодоггүй. Үзэл бодлын зөрүүтэй л зүйл гэж бодож байгаа. Товчлоод хэлэх юм бол ОХУ-ын үйл ажиллагааг зөв гэж бодож байна.
- Дайныг бол хүсэхгүй л байна. Улс орны хатгалга орчихсон юм болов уу гэж боддог. АНУ чинь эзлэн түрэмгийлэгч зэвүүн улс орон шүү дээ. Тэдний явуулгад л Украин орчхов уу даа. Хэлэлцээрт хүрээд намжаасай гэж бодож байна. Үүнээс манай монголчууд гадаад харилцаан дээрээ зөв хүмүүс томилж, зөв хэлэлцээр хийж, шийдвэрээ гаргах дээр сургамж аваасай гэж хүсэж байна.
- Янз бүрийн асуудал байгаа ч дайнаар шийдэж болохгүй гэж бодож байна.
- Үүний үр дүн их уршигтай. Манайд л гэхэд олон зүйл хомсдоно. Тог цахилгаанаас авахуулаад. Украины удирдагч Богда́н Хмельни́цкий гээд тэр хүн бол Оросыг л түшиж яваарай гэсэн. Түүнд зориулсан хөшөө ч бий.
- Гүнзгий сайн хэлж мэдэхгүй байна. Энхийн төлөө шийдсэн нь дээр гэж бодож байна.
- Миний санаагаар Украин буулт хийгээд зөвшилцөж тохиролцох хэрэгтэй. Угаасаа Оросын нэг муж байсан юм чинь эргээд Оростойгоо нэгдчихмээр байна.
0
0
0
0
0
0
0
0
