Нарантуул, Да хүрээ захыг нүүлгэх асуудал хойшиллоо
ОХУ-ын ерөнхийлөгч Владимир Путин Оросын хяналтад байдаг бүс нутгуудад энхийг сахиулагчдыг илгээх шийдвэр гаргалаа. Путин хуучин ОХУ-аас салан тусгаарласан Бүгд найрамдах улсуудын удирдагчидтай гэрээ байгуулсан нь тодорхой болсон. Үүнд “Украин болон дэлхийн ихэнх улс тусгаар тогтносон нутаг дэвсгэр дээрээ "ОХУ-ын зэвсэгт хүчин энхийг сахиулах чиг үүргийг Бүгд Найрамдах Луганск, Донецк Ард Улсад хэрэгжүүлэх" тухай заасан аж.
Даваа гарагийн орой Украйны албаныхан Оросын цэргүүд салан тусгаарлагчдын нутаг дэвсгэрт аль хэдийнэ нэвтэрсэн байж магадгүй гэж мэдэгдсэн. Босогчдын хяналтад байдаг Донецк хотоос баруун тийш 15 км зайтай орших Макиевка хотын иргэд Оросын хуягт машин дайран өнгөрөхийг харсан гэдгийг албаны хүмүүс онцолсон байна.
Украины ерөнхийлөгч Владимир Зеленский мягмар гарагийн өглөө телевизээр үг хэлэхдээ энхийн хэлэлцээг сүйрүүлсэн Хэмээн Оросыг буруутгаж, буулт хийхгүй гэдгээ мэдэгдэв. Зеленский хэлэхдээ, Украин энх тайван, дипломат харилцааг эрхэмлэдэг бөгөөд Украин холбоотнуудаас "тодорхой бөгөөд үр дүнтэй" алхамуудыг хүлээж байна, бид айхгүй гэж эрс шийдэмгий мэдэгдсэн юм.
Путин Украины зүүн өмнөд хэсэгт орших Оросын хяналтад байгаа газар нутгийг тусгаар тогтносон улс гэж хүлээн зөвшөөрч, одоо байгаа энх тайвны хэлэлцээрийг таслан зогсоох шийдвэр гаргаснаас хойш хэдэн цагийн дараа “энхийг сахиулах үүрэг гүйцэтгэгчид” хэмээн тодотгосон цэрэг оруулах шийдвэр ил болсон.
"Хүчирхийлэл, цус урсгах, хууль бус байдлын замаар явсан хүмүүс Донбассын асуудлыг цэрэг армиас өөр шийдлийг хүлээн зөвшөөрөөгүй, хүлээн зөвшөөрөхгүй байна" гэж Путин хэлэв. Тиймээс Украины зүүн нутаг дахь Оросын итгэмжлэгдсэн төлөөлөгч болох Бүгд Найрамдах Донецк Ард Улс болон Бүгд Найрамдах Луганск Ард Улсын тусгаар тогтнол, бүрэн эрхт байдлыг нэн даруй хүлээн зөвшөөрөхийн тулд удаан хүлээсэн шийдвэр гаргах шаардлагатай гэж би үзэж байна” хэмээн ОХУ-ын ерөнхийлөгч В.Путин мэдэгдэв.
Дараа нь төрийн телевизээр Путин Оросын дэмжлэгтэй хоёр улсыг хүлээн зөвшөөрөх тухай ерөнхийлөгчийн зарлигт гарын үсэг зурж буйг харуулсан богино хэмжээний бичлэг цацагдсан бөгөөд уг бичлэгт Донецк болон Луганслийн удирдагчид ч харагджээ.
Путиныг үг хэлж дууссаны дараа хэдхэн минутын дараа Цагаан ордон ОХУ-тай гэрээ байгуулсан бүгд найрамдах улсуудад АНУ-аас хөрөнгө оруулалт, худалдаа хийхийг хориглож, Москвагийн дэмжлэгтэй нутаг дэвсгэрт үйл ажиллагаа явуулж буй аливаа этгээдийн эсрэг хориг арга хэмжээ авч болзошгүй хэмээн зарлав.
Цагаан ордны хэвлэлийн төлөөлөгч Жен Псаки "ОХУ олон улсын амлалтаа өнөөдөр илт зөрчсөнтэй холбоотой нэмэлт хариу арга хэмжээг бид удахгүй зарлах болно" гэж мэдэгдсэн.
Америкийн засаг захиргааны өндөр албан тушаалтан мягмар гарагт АНУ-ын нэмэлт хориг арга хэмжээг зарлах бөгөөд нэг шөнийн дотор Оросын үйл ажиллагаатай пропорциональ байх болно гэсэн бол Их Британи ч гэсэн өөрийн хоригоо зарлана гэж мэдэгдлээ.
Эх сурвалж: The Guardian, Aljazeera
0
0
0
0
0
0
0
0
