Цагдаагийн албаны тухай хуульд өөрчлөлт оруулах хуулийн төслийг өргөн мэдүүллээ
Өнгөрсөн сарын нэгдүгээр сард Өрөг.мн сайтын гүйцэтгэх захирал, сэтгүүлч Б.Болорчимэгийн “Бизнес Өрөг-Эргэлт хийх боломж” номын нээлт болсон билээ. Бид энэ үеэр зочин эрхмүүдээс, эргэлт хийсэн түүх, эргэлтийн цэг болсон үйл явдлын талаар асуусан юм.
Энэ асуултад зохиолч Б.Шүүдэрцэцэг хариулахдаа, Миний хувьд 2003 онд “Хулан” гээд анхны туужаа хэвлүүлж байсан. Тэр хүртэл би сэтгүүлч байсан юм. Хэзээ ч уран зохиол руу орно гэсэн бодол байгаагүй. Тиймээс энэ үйлдэл яг л эргэлт болж чадсан.
Үүнээс хойш сэтгүүлч мэргэжлээ орхиод уран зохиол руу орсон. Миний мөрөөдөж байснаар анхны ном маань сэтгүүл зүйн ном байх байсан. Гэтэл амьдралын явцад би хайрын тууж хэвлүүлсэн байна шүү дээ. 2010 онд “Домогт Ану хатан” анхныхаа романыг хэвлүүлсэн. Тэр нь тухайн үед монголын эмэгтэй зохиолчдоос түүхэн роман хэвлүүлсэн хоёр дахь бүтээл байв. Харин 21 дүгээр зууны анхны хатны роман байсан юм. Энэ мэтээр миний амьдралд эргэлт болсон нь бий.
Хүн гэдэг адилсалаар хөгждөг. Эмэгтэй нь эмэгтэй жишээгээрээ л адилсалаа олдог. Орчин үед хүйсээр дагнан адилсах нь өөрчлөгдөөд бусдын амьдралын жишээнээс адилсалаа олж авдаг болжээ. Орчин үед бодит хүний түүхээс тэр адилсалыг олж авдаг гэсэн үг. Миний ажигласнаар 20 хүртэлх насны залуусын шүтээн нь энэ жил 49 настай Элон Маск болчхоод байгаа. Би өөрийн охидуудынхаа жишээн дээрээс ч харсан.
Тэгэхээр “Бизнес өрөг” Монголын мянга мянган Элон Маскыг танилцуулж байна гэж бодож байгаа. Бизнесийн амжилт бол нийт амжилттай яваа хүмүүсийн тал хувь байдаг шүү дээ. Бусад нь авьяас, эрдэм мэдлэгийн үр дүн байж болно. Бизнес гэдэг нь өөрөө ямар ч хүн хүчээ сорьж болох салбар. Надад хоолой байхгүй бол дуучин болж болохгүй. Бизнес гэхээр би кино салбарт өөрийн эрхгүй орчихсон явж байх жишээний. Тэгэхээр бизнесийн салбарын амьдралын туршлага өөрөө нийт хүмүүст сургамж болох талдаа илүү сайн байдаг. “Бизнес Өрөг”-өөс залуучууд хөл дээрээ тогтох, санхүүгийн эрх чөлөөнд хүрэх, эрсдэл, эргэлт хийх зоригтой байхыг олж харах байх гэж миний хувьд бодож байна” гэлээ.
0
0
0
0
0
0
0
0
