Байдены заxиргaa бүрэн эрxийнxээ xугацаанд Украины өрийг тэглэxийг эрмэлзэж байна
Тэрбумтан Элон Маскын тэргүүлдэг SpaceX-ийнхэн хиймэл дагуул хөөргөжээ. Үүнээс нэг өдрийн дараа хиймэл дагуулууд геомагнитын шуурганд өртөж, тойрог замаас унасан байна.
Нарны "шуурга" гэгддэг геомагнитын улмаас нарны гадаргуу дээр хүчтэй дэлбэрэлт болж, дэлхийг мөргөж болох плазм болон соронзон орныг нулимдаг. SpaceX компани өнгөрсөн долоо хоногт хөөргөсөн 49 хиймэл дагуулын 40 орчим нь уг шуурганд нь оногдсон гэдгийг компанийн хэвлэлийн төлөөлөгч нь мэдэгджээ. Шуурганд оногдсон хиймэл дагуулууд Starlink хиймэл дагуулын интернет төсөлд нэгдэх ёстой байсан юм.
Хамгийн сүүлийн үеийн загвар, өндөр хүчин чадалтай 49 хиймэл дагуулыг дэлхийн гадаргуугаас 210 км (130 миль) өндөрт байрлуулан энэ сарын 3-нд хөөргөсөн. Хөөрснөөсөө хойш "хиймэл дагуул бүр хяналттай нислэг үйлдсэн гэдгийг SpaceX-ийн төлөөлөгч мэдэгдэв. Харамсалтай нь нэг өдрийн дараа геомагнитын шуурга дэлхийг дайрчээ. Энэ бол хойд гэрлүүд шиг аврора үүсгэдэг механизм боловч аюултай үр дагаварт хүргэж болзошгүй гэнэ.
Геомагнитын шуурга уур амьсгалыг дулаацуулж, тооцоолж байснаас хамаагүй илүү нягтралтай болгосон гэдгийг эрдэмтэд олж мэджээ. SpaceX-ийн мэдээлснээр, "GPS онгоцон дээрх шуурганы хурд болон ширүүн байдал нь агаар мандлын чирэх хурдыг өмнөх хөөргөх үеийнхээс 50% хүртэл нэмэгдүүлсэн" байна.
SpaceX хиймэл дагуулуудыг "аюулгүй горимд оруулах" оролдлого хийж, зөөвөрлөлтийг багасгахын тулд хажуу тийшээ нисдэг болгожээ. Харин таталцал нь хиймэл дагуулуудыг "аюулгүй горим"-оос гарч, тогтвортой байхын тулд тойрог замд буцаж ирэхийг зогсоох хангалттай хүчтэй байсан.
Их Британийн сансрын агентлагийн сансрын ажиглалтын албаны дарга Жейкоб Гир хиймэл дагуулын "ямар нэг хэсэг" дэлхийд хүрч, газар мөргөнө гэж бодохгүй байна гэжээ.
"Иймэрхүү үйл явдал нь сансар огторгуйд сорилт болж байгааг сануулж байна. Хиймэл дагуул эсвэл сансрын нисгэгчдийг тойрог замд оруулах нь амаргүй хэвээр байна" гэж Жейкоб Гир хэлжээ.
Тодруулахад, Starlink бол олон мянган тойрог замын хиймэл дагуулыг ашиглан өндөр хурдны интернетээр хэрэглэгчдийг хангах зорилготой, систем нь харьцангуй үнэтэй боловч утастай холболт хийх боломжгүй газруудад ашиглж болдог онцлогтой интернэт төсөл юм. Жишээлбэл, өнгөрсөн нэгдүгээр сард болсон газар хөдлөлтийн улмаас арлын далайн доорх мэдээллийн кабель тасарсан Тонга мужид нэвтрэх боломжийг сэргээхэд туслах зорилгоор ойролцоох Фижи улсад Starlink станц барьж буй билээ.
Эх сурвалж: BBC News
0
0
0
0
0
0
0
0
