Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Сар шинийн баярыг угтан Монгол Улсын Ерөнхийлөгч У.Хүрэлсүх зарлиг гаргаж, өнөөдөр салбартаа хөдөлмөр зүтгэлээрээ тэргүүлсэн эрхмүүдэд төрийн дээд цол, одон, медаль хүртээлээ.
Тодруулбал, өнөөдөр хөгжмийн зохиолч, продюсер, дуучин Б.Ангирмаа Монгол Улсын Ерөнхийлөгч У.Хүрэлсүхээс Урлагийн гавьяат зүтгэлтэн цолоо гардан авлаа.
Монголын рок попын “Төмөр хатагтай” гэж нэрлэгддэг тэрбээр 14 настайгаасаа аялгуу зохиож эхэлсэн. Рок попын ертөнцөд өөрийн гэсэн 100 гаруй уран бүтээлийг бүтээж, түүний дууг дуулаагүй одод байдаггүй.
Мөн орчин цагийн залуусыг байлдан дагуулсан “Киви” хамтлагийг үүсгэн байгуулж продессерээр нь ажиллаж, үүнээс гадна олон шинэ залуу уран бүтээлчийг урлагийн замд нь хөтлөн оруулсан билээ.
Хөгжмийн зохиолч, продюсер, дуучин Б.Ангирмаа 1998 онд “68”, 1999 онд “My Love Songs” болон 2000 онд “Angel” гэсэн цомгуудаа гаргаж байсан. Тэрээр хэсэг хугацаанд уран бүтээлээ завсарлаж 2017 онд “Өнгө аяс”, “Удахгүй” зэрэг цомгуудаа гаргасан юм. 1994 онд “Намайг Ангирмаа гэдэг”, 1995 онд поп дива нартай хамтарсан “Вавилон мөрний эрэг дээр”, 2000 онд “Ах, дүү ая зохиогч”, 2018 онд “Сэтгэл догдлуулсан орой” тоглолтоо үзэгч, фэнүүддээ толилуулсан юм.
0
0
0
0
0
0
0
0
