ОXУ-ын зүгээс Украин руу тив алгасаx Баллистик пуужин xарважээ
Мягмар гарагт Италийн католик болон еврей шашны удирдагчид баруун жигүүрийн хэт даврагчдын оролцсон оршуулгын ёслол иргэдийн бухимдлыг төрүүллээ. Уг явдалтай холбогдуулан Ромын Католик шашны хамба лам мэдэгдэл хийн “Ромын төв орчмын Гэгээн Люси сүмийн тахилч нар, тэр дундаа оршуулгын ёслолыг удирдаж байсан хүн даваа гарагт сүмийн гадаа юу болох талаар огт төсөөлөөгүй” гэж мэдэгджээ.
Интернэт дэх зургуудад баруун жигүүрийн хэт даврагч Форза Нуова бүлэглэлийн гишүүн асан Алессиа Аугеллогийн цогцсыг агуулсан авсыг нацист тугаар далбаагаар бүрхсэн байхыг харуулсан байна.
Мэдэгдэлд туг далбааг "Христийн шашинтай эвлэрэхийн аргагүй аймшигт бэлэг тэмдэг" гэж нэрлээд, энэ хэрэг шашны үйл ажиллагааг үзэл суртлаараа доромжилсон жишээ гэжээ.
Цагдаа нар уг хэргийг үзэн ядалтын гэмт хэрэг байж болзошгүй хэмээн шалгаж байгаа аж.
Дэлхийн 2-р дайн дуусаж, Италийн фашист дарангуйлал нуран унаснаас хойш 70 гаруй жилийн дараа ч ийм үйл явдал тохиолдож байгаад Ромын еврей нийгэмлэг эгдүүцэж байгаагаа илэрхийлжээ."Өнөө үед, ялангуяа нацистууд болон тэдний фашист хамтран зүтгэгчид еврейчүүдийг албадан гаргаж байсан хотод хас тэмдэг бүхий тугийг олон нийтэд харуулахыг хүлээн зөвшөөрөх боломжгүй" гэж Ромын еврей нийгэмлэгийн зүгээс мэдэгдсэн байна.
1943 оны 10-р сарын 16-нд Ромын еврейчүүдийн хороололд хийсэн дайралтын дараа 1000 гаруй еврейчүүдийг цөлж, ихэнх нь нацистуудад эзлэгдсэн Польш дахь Освенцимын үхлийн лагерь руу цөлөгдсөн бөгөөд тэдний 16 нь л амьд мэнд буцаж ирсэн байдаг.
Мягмар гарагт хийсэн еврей нийгэмлэгийн мэдэгдэлд оршуулгын үйл явдал "сүмийн өмнө болсон тул бүр ч аймшигтай" гэдгийг онцгойлон дурджээ.
Үүнтэй төстэй хэрэг өнгөрсөн оны гуравдугаар сард Ромын өөр нэг сүмийн гадна гарч тухайн үедээ мөн л шүүмжлэлийн бай болж олон нийтийн бухимдлыг төрүүлсэн юм.
0
0
0
0
0
0
0
0
