ОXУ-ын зүгээс Украин руу тив алгасаx Баллистик пуужин xарважээ
"Financial Times Weekend" сэтгүүлээс жил бүрийн арванхоёрдугаар сард дэлхийн өнцөг булан бүрээс оны хамгийн нөлөө бүхий эмэгтэйчүүдийг тодруулдаг. Уншигч, олон нийтийн саналын дагуу нэр дэвшигчдийг жагсааж нийгэм, эдийн засаг, улс төрийн ертөнцөд нөлөөлж, бусаддаа урам зориг өгч чадсан эмэгтэйчүүдийг иргэд өөрсдөө нэрлэдэг учир энэ жагсаалт хамгийн шударга, үнэн болдог билээ.
2021 оны хамгийн нөлөө бүхий 25 эмэгтэйн жагсаалтыг гаргаснаас хамгийн олон санал авч чадсан 12 нэр дэвшигч эмэгтэй цар тахлын хүнд үед хамгийн тулгамдсан асуудалд ч гэрэл гэгээ оруулж, шинэ амжилт гаргаж, хүнд сорилтуудыг даван туулж чадсанаараа онцлог байлаа.
Жейн Фрэйсер
Уолл Стрит дэх анхны эмэгтэй удирдагч түүнийг алсын хараатай гэж магтах хүн олон байдаг. Тэрээр Citigroup-ийн Гүйцэтгэх захирлаар томилогдсон нь хөрөнгийн зах зээлд содон тохиол болсон. Шотландад төрсөн, 54 настай Жэйн Фрэйсер баялгийн менежмент, банкны хэлбэрийг өөрчлөх төлөвлөгөөтэй байгаа гэдгээ нийтэд дэлгэв.
Citigroup-ийн Гүйцэтгэх захирлаар томилогдсоноосоо хойш сар хүрэхгүй хугацааны дараа дэлхийн өнцөг булан бүрээс ажилладаг 210 000 ажилтнууддаа группээ шинэчлэх тухайгаа мэдэгдсэн мэйл илгээснээр хамгийн “муу босс”-оор нэрлэгдэж байлаа.
Александриа Окасио Кортез
Латин америк бүсгүй шургуу хөдөлмөрийнхөө үр дүнд АНУ-ын конгрессийн хамгийн залуу гишүүнээр сонгогдож олон охидод хичээл зүтгэл, шургуу ажиллахын үнэ цэнийг харуулсан сайхан жишээ болсон. Залуу, эрч хүчтэй сенатч Александриа сошиал хуудсуудаа идэвхтэй хөтөлдөг. Тэрээр 7 хоногт хийсэн ажлаа 90 секундын бичлэгээр тайлагнаж чадсан нь Твиттер хэрэглэгчдийг шуугиулж байсан. Нэн шинэ үеийн чадварлаг улс төрч гэх магтаалыг олон орны туршлагатай улс төрчдөөс түүнд харамгүй хайрладаг.
Эмма Радукану
Их Британийн теннисчин Эмма Радукану энэ жил 18 настай. “Их дуулга”-д гаргасан амжилтаараа спортын ертөнцийг донсолгож буй. Гурван тивд болсон тэмцээнүүдэд гайхам амжилт үзүүлж оролцсон Эмма чансаагаараа 156 байр урагшилж 23 дугаар байрт бичигдсэн юм.
Анна Ботин
Santander корпорацийн тэргүүн Анна Ботин банк, санхүүгийн салбарын хүчирхэг, нөлөө бүхий эмэгтэйгээр жил бүр нэрлэгддэг. 2014 онд Santander корпорацийн Гүйцэтгэх захирлаар томилогдож байсан Анна Европын банкны холбооны Ерөнхийлөгч, Кока Кола компанийн ТУЗ-ын гишүүн, MIT-ийн захирлуудын зөвлөлийн гишүүн, Empieza por Educar –ийг үүсгэн байгуулагч, захирал бөгөөд эхлүүлсэн, удирдсан, оролцсон ажлуудаа үргэлж амжилттай явуулж чаддаг чадварлаг эмэгтэй юм.
Камала Харрис
Америкчууд түүнд АНУ-ыг бий болгохын тулд нийгмийн бүлгүүдийг холбосон гүүр болж, үргэлж дэмжин ажилладаг гэх тодотголыг түүнд өгчээ. АНУ-ын түүхэнд анх удаа африк, ази гаралтай, басхүү эмэгтэй хүн дэд ерөнхийлөгчийн албан тушаалд томилогдсон нь Камала Харрис байлаа.
Оюуны асар өндөр чадавхтай сурагч байсан Камала улс төр судлал, эдийн засагч мэргэжилтэй. 2002 онд Сан-Францискогийн тойргийн прокурорийн сонгуульд нэр дэвшин ялж үүнээс хойш 2015 онд Сенатын гишүүн болж өнөөг хүртэл өсөн дэвшиж яваа амбицтай эмэгтэй. Камала Харрис ерөнхий прокуророор ажиллаж байхдаа ижил хүйстнүүдийн гэрлэлтийг хуульчлахыг дэмжиж, ЛГБТ хүмүүсийг үзэн ядалтаас үүдэлтэй гэмт хэргээс хамгаалах тусгай отряд байгуулж байсан хүний эрхийн мэдрэмжтэй, хүний эрх, эрх чөлөөний дуу хоолой болж чаддаг.
Ангела Меркель
ХБНГУ-ын канцлер асан Ангела Меркелийг дэлхийн улс төр дэх нөлөө бүхий эмэгтэйгээр олон жил тодорсон. Тэрээр өнгөрсөн 10 дугаар сарын 02-нд сүүлчийн илтгэлээ тавихдаа германчуудыг ардчиллын төлөө тууштай тэмцсээр байхыг уриалсан юм. Түүнийг ХБНГУ-ын канцлераар ажилласан 16 жилийн хугацаанд АНУ 3 ерөнхийлөгчийн нүүр үзэж, Их Британийн Ерөнхий сайд 5 удаа солигджээ.
Ангела Меркелийг ардчилал, тэнцвэртэй байдлын бэлгэ тэмдэг гэх хүмүүс ч бий. 67 насандаа улс төрийн замналдаа өөрийн хүслээр цэг тавьсан Ангела Меркель улс төрийн ямар ч албан тушаал горилохгүй гэдгээ мэдэгдэж байлаа.
Разан Ал Мубарак
Дэлхийн байгаль хамгаалах холбоог тэргүүлсэн анхны эмэгтэй Разан Ал Мубарак биологийн төрөл зүйлийг хамгаалах чиглэлээр илүүтэй анхаарч ажилладаг. Арабын ертөнцөөс дэлхий нийтийг хамарсан үйл ажиллагаа явуулдаг томоохон байгууллагын удирдагчаар сонгогдон ажиллаж буй тэрээр өмнө нь байгаль хамгаалах чиглэлийн нэр хүндтэй байгууллагуудад ажиллаж байсан туршлагатай, амбицтай эмэгтэй юм.
Кристин Лагард
ОУВС-ийн анхны эмэгтэй захирал түүнийг 2009 онд Евроазийн хамгийн шилдэг сангийн сайдаар, Forbes сэтгүүл дэлхийн хамгийн хүчирхэг эмэгтэйчүүд нэгээр нэрлэж байв. Их наймын орнуудын эдийн засаг, санхүүгийн сайдын албыг хашсан туршлагатай, бас хатуу чанга, нямбай эмэгтэй Кристин Лагард дэлхийн санхүүгийн ертөнц нөлөө бүхий эмэгтэй болоод олон жил болж буй.
Уалли Фанк
Хүсэл мөрөөдөлдөө үнэнч байхын гайхам жишээ болсон Уалли Фанк сансарт ниссэн хамгийн ахмад хүн билээ. Америкийн нисэх хүчний ахмад, сансрын нислэгийн анхны эмэгтэй зааварлагч Уалли Фанк 16,6 мянган цагийг сансарт өнгөрүүлж, 3000 гаруй нисгэгч сургасан гайхалтай эмэгтэй юм. Охидыг зөвхөн багш, эмч, сайн гэрийн эзэгтэй байх ёстой гэсэн хэвшмэл ойлголт өнөө хэр бөх оршсоор байхад эмэгтэй сансрын нисгэгчийн хувиар охидын хүсэл мөрөөдлийг илүү алсын хараатай болгож, урам зоригт нь нөлөөлж байгаа Уалли Фанкад талархахгүй байхын аргагүй.
Афган эмэгтэйчүүд
Радикал ислам эмэгтэйчүүд бүгд эмэгтэйчүүд, хүүхэд, хүний эрхийн төлөө тэмцлийн гол дүр болж байна. Талибанчууд засгийн эрхийг булаасан тэр цаг мөчөөс эхлэн амьд явах, суралцах, гоо сайхандаа анхаарах гээд бүхий эрхээ булаалгасан ч шантралгүй зүтгэж, өлсгөлөн ядуурал дунд үр хүүхдээ өсгөж, бүхнээ зориулж яваа афган эмэгтэйчүүдийг хүчирхэг эмэгтэйчүүдээр тодруулжээ.
Карен Линч
Тэр АНУ-ын Ковид-19-тэй тэмцэх бодлогыг өөрчилж сайжруулан вакцинжуулалтыг хүмүүст илүү хялбархан хүртээмжтэй болгосон ухаалаг эмэгтэй. АНУ-ын эрүүл мэндийн томоохон компаниудын нэгийг удирдаж байхдаа АНУ-ын эрүүл мэндийн салбарыг үндсээр нь өөрчилж, эрүүл мэндээ удирдахад хувь хүний үүргийг нэмэгдүүлсэн нь маш чухал, ирээдүйтэй алхам болсон.
Каталин Карико
Коронавируст цар тахлын эсрэг анхны вакциныг бүтээсэн нь Каталин Карикогийн олон арван жилийн хөдөлмөр, судалгааны үр дүн байлаа. Каталины амьдралын замнал дардан байсангүй. 1980-аад онд коммунист Унгараас дүрвэн гарсан Унгарын биохимичийн дүрвэж, цагаачилж амьдрах хугацаандаа ч судалгаа, шинжилгээнийхээ ажлыг орхилгүй тууштай байдлаараа хүн төрөлхтнийг аюулт цар тахлын аюулаас аварч байгаа ариун үйлстэн билээ.
0
0
0
0
0
0
0
0
