Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Монголын урлагийн салбарт тэр дундаа рок поп урлагт тодоор гялалзаж яваа поп дива, Соёлын тэргүүний ажилтан С.Наран өнөөдөр Монгол Улсын Ерөнхийлөгч У.Хүрэлсүхээс Монгол Улсын Гавьяат жүжигчин цолоо гардан авлаа.
Монгол Улсын Гавьяат жүжигчин, дуучин, поп дива С.Наран шагналаа гардан аваад "Тайзан дээр шагналаа гардан аваад юу бодогдсон бэ гэхээр бүх зүйлд чин сэтгэл байх ёстой юм байна. Урагшаа. Маш сайн ажиллах ёстой хариуцлага мэдрэгдлээ. Улам ихийг хийх ёстой юм байна. Улам их зөв үлгэр дуурайлал үзүүлэх ёстой юм байна. Маш их зүйл төлөвлөлөө. Миний дууг сонсдог, намайг дэмждэг, хайрладаг бүх хүмүүст чин сэтгэлээсээ талархая. Надтай хамт ажилладаг бүх урлагийн салбарынхан үүний төлөө тэмцэж байгаа залуучууд та бүгдэд би зөв үлгэр дуурайлал үзүүлэхийг чин сэтгэлээсээ хүсэж байна.
Шагналыг том хариуцлага дагадаг. Би үүнд таарсан хүн үү гэдгийг дотроо бодох ёстой.
Миний дуу болгон чин сэтгэлээсээ зүрх дотор, оюун ухаан, миний хүсэл мөрөөдөл дандаа багтаж байдаг. Би дандаа эерэг дуу дуулахыг хүсдэг. Би Б.Наранзуны зохиосон дөрвөн мөртийг дуулья. Энэ тэр чигээрээ миний үзэл бодол байгаа.
“…Эерэг хандлага бүхнийг өөрчилж чадна гэж итгэл минь надад захидаг
Эцэс төсгөлгүй атаа, жөтөө нөмөрсөн энэ л амьдралыг өөрчлөхийг хүснэ
Нар мандахад айдас арилж дулаацна
Найрсаг мэдрэмж тайван амгалан…” энэ бол ерөөсөө л миний философи, бидний зорилго" хэмээн сэтгэгдлээ хуваалцлаа.
Таван хэлээр цомгоо гаргасан, гаднын хөгжмийн зохиолч болон продюсеруудтай хамтарч ажилласан гээд түүний хүчирхэг хоолойгоор амилсан уран бүтээлүүд бүхэн нь хит болдог гэхэд хилсдэхгүй биз ээ.
Гавьяат жүжигчин, дуучин С.Нарангийн хит дуунуудаас түүвэрлэн хүргэе.
0
0
0
0
0
0
0
0
