Д.Сүхбаатарын талбайн зүүн, баруун талын авто замын хөдөлгөөнийг түр хаана
Гадаадаас ирж байгаа иргэдийг гурав хоног тусгаарлах байранд тусгаарлах шийдвэрийг УОК гаргасан. Уг шийдвэрийн хэрэгжилт, хяналт, шалгалт зэрэг цаг үеийн асуудлаар УОК-ын нарийн бичгийн дарга Т.Баярхүүгээс тодрууллаа.
Тэрбээр "Дэлхийн улс орнуудад коронавирусийн омикрон хувилбар өмнөх дельта хувилбараас эрчимтэй өсөн маш эрсдэлтэй нөхцөл байдал үүсэж байгаа УОК-оос ХӨСҮТ, ЭМЯ-ны саналыг үндэслээд гадаадаас ирж байгаа иргэдийг гурав хоног тусгаарлан энэ хугацаанд давтан шинжилгээнд хамруулах шийдвэрийг гаргасан. Энэ шийдвэрийг хэрэгжүүлэхтэй холбогдуулаад УОК-той зочид буудлууд хамтарч ажиллаж байгаа. Гадаадаас ирсэн иргэдийг тусгаарлах явцад зохион байгуулалтын алдаа гарч, иргэдийг чирэгдүүлсэн, хүндрэлтэй нөхцөл байдал үүсгэсэн тохиолдол гарсан. Үүнд УОК анхаарч газар дээр нь засаж, залруулах арга хэмжээг авч ажиллаж байгаа.
-Ямар албан тушаалтай хүмүүс алдаа гаргасан бэ?
-Үүнд тодорхой албаны шалгалтууд хийгдээд явж байгаа. Манай албан тушаалтнууд зохион байгуулалтын явцад алдаа гарсан.
-Гадаадаас ирсэн иргэдийг байрлуулах буудалгүй хотын төвөөр автобусаар аваад явж байгаа зэрэг зохион байгуулалтын алдаа гарсан гэж ойлгож болох уу?
-Өчигдрийн тохиолдлын би ярьж байгаа. Гадаадаас ирсэн иргэдийг тусгаарлахаар удаан хугацаагаар хүлээлгэн чирэгдэл гаргасан асуудал байсан. Үүнд, өнөөдөр Шадар сайдаас холбогдох албан тушаалтнуудад үүрэг, чиглэл өгсний дагуу хариуцлага тооцоод явж байгаа. Тусгаарлалтын үйл ажиллагааг иргэдийг чирэгдүүлэх, хүндрэл учруулах зорилгоор зохион байгуулах зүйл байхгүй.
Арваннэгдүгээр сарын 26-наас хойш өнөөдрийг хүртэл манайд нийтдээ 300 тохиолдол гаднаас зөөвөрлөгдөж ирсэн. Өөрөөр хэлбэл, бидний хил дээр зохион байгуулсан тандалт шинжилгээгээр илэрсэн. Эдгээр хүмүүсийн ойрын хавьтал гээд цаашаа хөврөөд явж байгаа. Тиймээс бид эрсдэлтэй нөхцөл үүсгэхгүй, омикрон хувилбарыг хяналтгүйгээр өндөр давлагаа үүсгэхгүй байх, алдаа гарахаас урьдчилан сэргийлэх зорилгоор тусгаарлалтын ажлыг зохион байгуулах шийдвэрийг гаргасан. Энэ тусгаарлалтын явцад алдаа гарсныг хүлээн зөвшөөрч, иргэдээсээ уучлал хүсэж байна.
-Тусгаарлалтын үйл ажиллагаанд хэдэн буудал бэлдсэн байсан бэ?
-Өнөөдрийн байдлаар 19 зочид буудалд бидэнтэй хамтран ажиллаж байна. Цаг үеийн нөхцөл байдалтай холбогдуулаад зарим буудлууд бидэнтэй хамтарч ажиллахгүйгээр жижиг өөрчлөлт гарсан.
-Эдгээр зочид буудлуудыг чанарын шаардлага хангаагүй гэж иргэд яриад байна. Зочид буудлуудтай хэрхэн гэрээ байгуулсан юм бэ?
-Улаанбаатар орчимд 300 гаруй зочид буудал бий. Тусгаарлалтын шаардлага хангасан 30 орчим буудал байгаа. Өмнөх татан авалтын явцад бид 27-28 буудалтай ажиллаж байсан. Өнөөдрийн байдлаар 16 буудалд 730 хүнийг тусгаарлаад явж байгаа. Зочид буудлууд бид дайчлан ажиллуулах биш сайн дурын үндсэн дээр тодорхой шалгуур тавиад ажиллаад явж байгаа.
-Манай улсад омикрон хувилбар бүртгэгдсэн үү?
-Одоогоор Омикрон хувилбар албан ёсоор бүртгэгдээгүй. Хил дээр зөөвөрлөгдөж ирсэн 300 орчим тохиолдол байгаа бөгөөд хувилбарыг тодорхойлох шинжилгээ хийгдэж байгаа.
-Энхийг сахиулагчдаас 120 гаруй эерэг тохиолдол илэрсэн. Тэдэнд хийсэн вирусийн аль хувилбар болох шинжилгээний хариу гарсан уу?
-Үүнд омикрон хувилбар байгаа эсэхийг тодорхойлох шинжилгээ явж байгаа.
0
0
0
0
0
0
0
0
