Байдены заxиргaa бүрэн эрxийнxээ xугацаанд Украины өрийг тэглэxийг эрмэлзэж байна
Өмнөд Солонгосын нэрийг дэлхийн хөгжмийн ертөнцөд цуурайтуулж яваа к-поп стилийн BTS хөвгүүдийн хамтлаг BRIT Awards-д нэр дэвшжээ. BTS-ийг Олон улсын шилдэг хамтлаг шагналд нэр дэвшүүлсэн талаар шагналын холбооны албан ёсны вэб хуудаст нийтэлсэн байна. Их Британийн нэр хүндтэй тус шагналд BTS хамтлаг 2 дахь удаагаа, нэг төрөлд нэр дэвшиж байгаа аж.
Олон улсын шилдэг хамтлаг шагналд BTS, ABBA, Maneskin, Silk Sonic, The War On Drugs хамтлагууд өрсөлдөж байна. Шагнал гардуулах ёслол 2022 оны хоёрдугаар сарын 8-нд болно.
Сонирхуулахад, БНСУ-ын ерөнхийлөгч Мүн Жэ Ин BTS хамтлагийг хойч үе, ирээдүйн соёлын ерөнхийлөгчийн тусгай төлөөлөгчөөр томилсон билээ. BTS хамтлаг есдүгээр сард ерөнхийлөгч Мүн Жэ Инийн хамтаар НҮБ-ийн Ерөнхий Ассамблейн 76-р чуулга хуралдааны хүрээнд зохион байгуулагдсан “Тогтвортой хөгжлийн зорилтын Агшин- 2021” үйл ажиллагаанд оролцсон. НҮБ-ийн Ерөнхий Ассамблейн тайзнаа BTS-ийг урьсан БНСУ-ын ерөнхийлөгч Мүн Жэ Ин “Тэд дэлхийн өнцөг булан бүрд суугаа хүмүүсийн хайрыг хамгийн их татсан залуус байх” хэмээн онцгойлон дурдаж байсан юм.
BTS хамтлаг өмнө нь 2018, 2020 онд НҮБ-ийн Ерөнхий Ассамблейн чуулгад оролцож байсан.
0
0
0
0
0
0
0
0
