Манай улс НҮБ-ын Хүний эрхийн зөвлөлд дөрөв дэх тайлангаа хүргүүлнэ
Дэлхийн олон оронд шинэ жилийн баяраар “Цөмөөхэй” бүжгэн жүжгээр бэлэг барьдаг. Хоффманы үлгэрээс сэдэвлэгдэж суут П.И. Чайковскийн хөгжим, М.Петипа болон Л.Ивановын дэглэлттэйгээр анх 1812 онд Санкт-Петербург хотод 2 үзэгдэлт балет тавигдаж байсан нь өнөө үед дэлхийн хамгийн алдартай, үзэгчдийн хайртай бүжгэн жүжиг болсон билээ.
Тэгвэл энэ уламжлал Монголд тогтоод багагүй хугацаа өнгөрчээ. Уг бүжгэн жүжгийг Монгол Улсын гавьяат жүжигчин Д.Алтанхуяг Монголынхоо үзэгчдэд долоо дахь жилдээ хүргэхээр зорьж буй юм. Тэрбээр өчигдөр Дуурь, бүжгийн эрдмийн театрын гоцлооч болох Соёлын элч О.Анужин, А.Эрдэнэболд, М.Нандинцэцэг, Д.Нацагдорж, А.Тэмүүлэн нартай хамтран "Цөмөөхэй" балетын талаар хэвлэлийн бага хурал хийлээ.
Дэлхийн хөгжингүй улсуудад Зул сар, Шинэ жилийн баяраар сонгодог бүжгийн театрын тайзнаа тоглогддог энэхүү бүжгэн жүжгийг Монгол Улсад шинээр найруулан тавьж, бүжигт хайртай хүүхэд багачуудыг оролцуулан ид шидийн гэмээр дурсамж үзэгчид болон оролцогчдод аль алинд нь мэдрүүлэх төслийн санаачилгыг МУГЖ, Монгол Улсын Соёлын элч Д.Алтанхуяг гаргаж 2014 онд Улсын Дуурь Бүжгийн Эрдмийн театрын тайзнаа амилуулсан.
Тэд цар тахлын үед "Цөмөөхэй" балет тоглож, уламжлал ёсоор үзэгч олонд хүргэж байгаадаа баяртай буйгаа илэрхийлээд, халдвар хамгааллын дэглэмээ баримтлан, нийт таван тоглолт зохион байгуулахаа мэдэгдлээ. Энэ жилийн тоглолт энэ Бямба гаригт буюу арванхоёрдугаар сарын 18-нд 17:00 цагт эхлэх юм байна.
"Цөмөөхэй" балетын тоглолтын хуваарийг хүргэе.
- 2021 оны арванхоёрдугаар сарын 18, 19-нд 17:00 цагт,
- 2021 оны арванхоёрдугаар сарын 24-нд 19:00 цагт,
- 2021 оны арванхоёрдугаар сарын 25, 26-нд 17:00 цагт УДБЭТ-ын тайзнаа зөвхөн таван удаа УОК-ын 41 дүгээр тушаалыг чанд баримтлан тус балетыг тоглоход бэлэн болжээ.
УОК-ийн зааварчилгааны дагуу зөвхөн вакцины 3-р тунд хамрагдсан үзэгчдийг гэрчилгээг харгалзан танхимд оруулахыг анхаараарай.
Мөн 12 болон дээш насны хүүхдүүд вакцины 2-р тунгийн гэрчилгээгээ үзүүлэн “Цөмөөхэй” балетаа үзэх боломжтой.
0
0
0
0
0
0
0
0
