Ч.Хантүмэн: Данс хаачихлаа, дарга нарыг мууллаа гээд ингэв үү
Архаг хууч өвчтэй хүмүүс коронавирусийн халдвар авбал хүндрэх эрсдэлтэй байгааг ЭМЯ энэ хугацаанд анхааруулсаар ирсэн. Тиймээс вакцины бүрэн тундаа хамрагдсан иргэд хэчнээн архаг хууч, хавсарсан өвчтэй байсан ч гэсэн хөнгөн тусаж байгаа юм. Тэгвэл бид хоёр сарын өмнө ходоодны хорт хавдрын улмаас хагалгаанд орж эмчилгээ хийлгэж байх явцдаа коронавирусийн халдвар авсан иргэнтэй уулзлаа. Тэрбээр сар гаруйн халдвар авсан ч хоёр тун вакциндаа хамрагдчихсан байсан тулдаа хөнгөн туслаа гэсэн юм.
"Намайг Цэрэндашийн Отгонбаяр гэдэг. Одоо 62 настай. Цээж гашуу оргиод, ходоод мушгирч өвдөөд шинжилгээ өгөхөд ходоодны хорт хавдартай гэж хариу гарсан. Тэгээд есдүгээр сарын 23-нд хагалгаанд орж ходоодныхоо 80 хувийг нь тайруулсан. Их ядарч, тураад, тамирдсан. Дархлаа муутай болохоор бүр сульддаг юм билээ. Хоол ундаа цагт нь бага багаар идээд гамаа барьсан. Гэвч нэг л тэнхрэхгүй дахиж өвдөөд эмнэлэгт үзүүлж хэвтэх гэж байгаад 11 сарын 10-нд коронавирусээр өвчилсөн. Гэхдээ вакцин хийлгэчихсэн болохоор хөнгөхөн туссан. Тэгээд ХӨСҮТ-д 10 хоног эмчлүүлээд гарсан" гэж Ц.Отгонбаяр ярилаа.
Түүнийг эмнэлэгт байх хугацаанд гэргий нь асарч байсан юм. З.Дулам хэлэхдээ "Нөхрийн маань бие нь муудаад хамаг биеийнх нь хөлс чахраад өмссөн хувцсыг нь нэвтлээд болдоггүй. Тэгэхэд бид хоёр коронавирус гэдгийг нь мэдээгүй. Манай хүн тамирдаад байна, тэнхрэхгүй байна гээд эмчтэйгээ дахиж очоод уулзсан чинь дүүргийнхээ эмнэлгийн хавдарт хэвт гэж бичиг хийж өгөөд шинжилгээ хийлгээд хэвтэх гээд очсон чинь коронавирусийн халдвар авсан нь мэдэгдсэн. ХӨСҮТ-д хэвтэхэд эмч Намайг та ковид тусчихна. Таныг хэвтүүлэхгүй гэсэн. Би тэгэхээр нь манай нөхөр сая хагалгаанд орсон учир би нөхрийгөө сахиж хэвтэнэ. Миний тусах, тусахгүй хамаа алга гэсээр байгаад хэвтчихсэн. Тэгээд эмнэлгээс гарч ирэхэд би тусаагүй байсан. Вакцинаа хийлгэж, дархлаагаа сайн дэмжээд байхаар гайгүй л юм билээ. Вакцины үр дүн байна. Би байхгүй гэж хэлэхгүй. Хэрвээ би тэгэхэд вакцинаа хийлгээгүй байсан бол ковид тусах байсан. Одоо тэнхрээд нөхрийнхөө гурав дахь вакциныг нь хийлгэнэ" гэв.
Ц.Отгонбаярын хувьд дөрөв, тавдугаар сард сар сарын зайтай хоёр тун вакциндаа хамрагдсан. Одоо дархлаагаа дэмжиж химийн эмчилгээнд орсныхоо дараа гурав дахь тунгаа заавал хийлгэнэ гэсэн юм. Тэнхрэхэд нэлээн хугацаа шаардана. Дахиад ч эмнэлгээр их явах болохоор зайлшгүй гурав дахь тунгаа хийлгэнэ гэж ярьж байлаа.
Иргэд та бүхэн ч гэсэн хайртай дотнын хүмүүс болон өөрийгөө эрсдэлээс хамгаалж бүрэн тундаа хамрагдахыг уриалж байна.
0
0
0
0
0
0
0
0
