Байдены заxиргaa бүрэн эрxийнxээ xугацаанд Украины өрийг тэглэxийг эрмэлзэж байна
BBC агентлаг жил бүр нийгэм, соёл, спорт, шинжлэх ухаан, боловсролын чиглэлд манлайлж оролцсон 100 эмэгтэйг тодруулдаг уламжлалтай. Манай дэлхийг шинээр бүтээж, нийгмийн сайн сайхны төлөө өөрсдийн үүргээ гүйцэтгэж буй эмэгтэйчүүд тодорчээ. Тэдний дунд Нобелийн энх тайвны шагналыг хамгийн залуудаа хүртсэн Малала Юсуфзай, Самао улсын анхны эмэгтэй Ерөнхий сайд Фиаме Наоми Матафа, зохиолч Чимаманда Нгози Адичи, “Дархлаажуулалтад итгэх итгэл” төслийн удирдагч профессор Хайди Ж.Ларсон нар багтжээ.
2021 оны нөлөө бүхий 100 эмэгтэйн жагсаалтын тал хувийг Афганистанаас тодорсон эмэгтэйчүүд эзэлж буй ч аюулгүй байдлын үүднээс нууц нэрээр гэрэл зураггүй гарсан эмэгтэйчүүд эзэлж байна. Энэ оны Наймдугаар сард Талибанчууд төрийн эрхийг булааснаар олон сая афган иргэдийн амьдрал, хувь заяа өөрчлөгдсөн билээ. Талибанчууд охидыг боловсрол эзэмшихийг хориглож, эмэгтэйчүүдийн асуудал хариуцсан яамыг татан буулгаж, эмэгтэйчүүдийг ажил хөдөлмөр эрхлэхийг хаажээ. Тиймээс ч эр зориг, зөв тэмцлийнхээ дүнд олсон амжилтын цар хүрээ, амьдралаа дахин өөрчлөхөөс аргагүй байдалд хүртлээ тэмцсэн эмэгтэйчүүдийн үйл хэрэг үнэлэгдэн, жагсаалтад багтахад нөлөөлсөн байна.
Нөлөө бүхий 100 эмэгтэйг хэрхэн тодруулдаг вэ?
ВВС-ийн “Нөлөө бүхий 100 эмэгтэй” баг өөрсдийн цуглуулсан нэрс болон BBC агентлагийн сүлжээнд багтдаг багуудын санал болгосон нэрс дээр үндэслэн жагсаалт гаргадаг. Өнгөрсөн 12 сарын хугацаанд хэвлэл мэдээллийн хэрэгсэлд олонтаа онцлон дурдагдаж, чухал үйл явдалд нөлөөлсөн эмэгтэйчүүдийн нэрсийг цуглуулж, түүнийгээ сэдвийн дагуу хуваан, үнэлжээ. Гэхдээ эцсийн жагсаалтыг гаргахдаа бүс нутгийн төлөөллийн хэмжээг мөн чухалчлан жагсаасан аж.
2021 оны “Нөлөө бүхий 100 эмэгтэй” жагсаалтын тэн хагасыг Афганистаны эмэгтэйчүүдэд зориулсан нь өмнө байгаагүй шийдвэр болжээ. Афганистанд ажиллаж, амьдарч, дүрвэн гарсан эмэгтэйчүүдээр жагсаалтынхаа талыг тэдний хэд нь нийгмийн амьдралын талбараас албадан алга болж байгааг онцолж, улам бүр аниргүй болж буй хүмүүсийн дуу хоолойг хуваалцахыг хүссэн гэдгээ BBC агентлагийнхан мэдэгджээ.
Доорх линкээр орж жагсаалттай бүрэн эхээр нь танилцаарай.
Линк: https://www.bbc.com/news/world-59514598
0
0
0
0
0
0
0
0
