ТЦА: Их тэнгэрт болсон ослын улмаас нэг хүн амиа алдсан
Найруулагч Д.Төрмөнхийн бүтээл болох “Нохойн орон” кино 23 жилийн дараа Амстердамын кино наадамд “Баримтат киноны ирээдүйн төлөв” хэсэгт шагналт, өвөрмөц хийцтэй 10 киноны хамт шалгарчээ.
Өмнө нь тус кино 1998 онд хэд хэдэн наадмаас шагнал хүртэж байсан. Тухайлбал Швейцарийн "Visions du Réel" баримтат кино наадмын Гран При шагналыг хүртэж байсан юм.
Энэ талаар найруулагч Д.Төрмөнх цахим хаягтаа “Киног маань хэд хэд үзүүлж дараа нь бүтээлчидтэй нь ярилцах, форум болно. Кино наадам Петер Бросенс бид хоёрын бүх зардлыг дааж урьсан учир маргааш өглөө эрт наадамд оролцохоор явлаа. Хүний амьдрал элсэн цаг мэт урсаад дуусдаг ч хийсэн бүтээл л үлддэг юм байна даа…” гэж бичжээ.
Киноны үйл явдал 1990-ээд оны сүүлээр Улаанбаатарт маш олон золбин ноход амьдарч байсан тул төрөөс тэднийг бөөнөөр нь буудаж байсан. Тэдний нэг нь Басар. Басарын бие хүйтэн тал дээр амьгүй хэвтэж байсан ч одоо түүний сүнс хүссэн газраа чөлөөтэй явж байна. Түүнийг хүн болж буцаж ирэхээсээ өмнө нохойны сүнс урьд өмнө нь амьдарч байсан бүх газраа очиж үздэг байна.
“Нохойн орон” нь хувь хүний замнал болоод нийгмийн хандлагыг харуулсан кино юм. Золбин амьтдын устгалд өртсөн Басар нэрт нохойн дурсамжаас бүтсэн, сэтгэл татам боловч эмзэглэм бүтээл. Басарын түүх нь домог үлгэр, контемпорари шүлэгтэй уялдаж, туульсийн шинжтэй.
Энэ киног юнивиншны монгол баримтат кино хэсэгт олон жилийн өмнө байршуулжээ.
0
0
0
0
0
0
0
0
