Д.Сүхбаатарын талбайн зүүн, баруун талын авто замын хөдөлгөөнийг түр хаана
Poetry night vol 1 яруу найргийн үдэшлэг энэ сарын 7-ны өдөр болох гэж буйтай холбогдуулан төслийг санаачлагч, яруу найрагч Ч.Ууганбаяртай уулзаж дэлгэрэнгүй мэдээлэл авлаа.
Тэрбээр, “Миний хувьд яруу найргийн “Нимбэгэн сарны шүүс” гэдэг нэг номтой. Болор цомд их олон удаа орж айрагдсан. Монголын утга зохиол, яруу найргийн төрөлд аливаа эвент , тоглолт, үдэшлэг, энтертаймент төрлийн зүйл байх нь ховор. Тиймдээ ч Poetry night vol төслийг санаачлан ажиллаж байгаа юм. Төслийн хүрээнд хийж буй энэхүү үдэшлэг маань 11 дүгээр сарын 7-нд Corporate convention center-т болно. Яруу найраг, бүжиг, дуу хөгжим, тайз дэлгэц үзэгч хосолсон, өөрөөр хэлбэл соёл урлагийн салбарын төрлийг нэгтгэсэн нийлмэл урлагийн тоглолт үдэшлэгийг зохион байгуулах гээд ажиллаж байна.
Эхний удаадаа энэ цагийн төлөөлөл болсон таван залуу, дунд үеийн яруу найрагчдаар багаа бүрдүүлсэн. Нэг удаадаа таван яруу найрагч орох тоотой төсөл байгаа юм. Төлөөлөл болсон таван найрагчийн нэг нь болж байгаадаа баяртай байна. Бид үүнийг улиралд нэг, жилд дөрвөн удаа хийхээр төлөвлөж байгаа. Ирэх нэг сард буюу цагаан сараас өмнө Volume-2-тоо ахмад уран бүтээлчдээ урьж оролцуулах төлөвлөгөөтэй байгаа.
Утга зохиол, шүлэг, яруу найраг хүний амьдралыг илүү амар амгалан, гүн мэдрэмжтэй болгодог надад санагддаг. Тиймдээ ч энэхүү үдэшлэг хийх санаачилга гаргасан. Яруу найрагт дурласан хүмүүс их ажигч болдог байх гэж боддог.
Утга зохиол, яруу найраг нийгэм цаг үедээ нөлөөтэй байх нь уу гэдэг тухайн нийгэм цаг үе, эдийн засагтай шууд холбоотой байдаг. Монголчууд эвлэлдэн нэгдэж хүчтэй байх үедээ их уншиж утга зохиол, шүлэг яруу найргийг илүү их ойлгодог байсан. Харин одоо хүмүүс яруу найраг бодох уу? Амьдралаа бодоод ажлаа хийх үү гэдэг сонголтон дээр л байгаа шүү дээ. Тиймээс л энэхүү төслөө санаачилсан юм” гэлээ.
0
0
0
0
0
0
0
0
