Манай улс НҮБ-ын Хүний эрхийн зөвлөлд дөрөв дэх тайлангаа хүргүүлнэ
III, IV хороолол зөрж өнгөрөхдөө даруу, дөлгөөн төрхтэй, намхан бор жин үздэг Ц.Баянбаатартай олонтаа таарсан биз. Тэрээр III, IV хорооллын Номин худалдааны төвийн урд жин үзээд 20-оод жил болжээ.
Сайн байна уу та?
Сайн сайн байна уу.
Таны өдрийн орлого нууц биш бол хэд вэ?
Өдрийн орлого хэлбэлзэлтэй байдаг. Заримдаа 20 мянгаас, 30 мянга болох үе бий. Зарим үед гэртээ хоосон очихгүй ч 10 мянган дотор эргэлддэг.
Орлогоо юунд зарцуулдаг вэ. Ам бүл хэдүүлээ амьдардаг вэ?
Урд нь ам бүл олуулаа байсан юм. Одоо тал талд, тусдаа амьдарч байна. Би ганцаараа амьдардаг. Гарцаараа амьдардаг ч олсон орлого байрны түрээсэнд л явдаг. Байрны түрээсэнд 300 мянгыг өгдөг. 30 хоногт 300 мянган төгрөг олох шаардлагатай. Тэгж байж л байрныхаа мөнгийг төлнө шүү дээ.
300 мянган төгрөгийн группийн мөнгө авдаг. Өөр орлогын эх үүсвэргүйгээр энэ мөнгө түрээсэндээ өгчихвөл би хаашаа харах уу? Тэгэхээр нэмэлт орлого шаардагдаж байна. Энэ нь зүй ёсны шаардлага шүү дээ.
Коронавирус гэж аюулт өвчин манай улсад нүүрлэж, нэг хэсэг хол хорио тогтоосон. Тэр үед та амьжиргаагаа яаж залгуулж байсан бэ? Тухайн үед одоогийнх шиг сул чөлөөтэй байгаагүй шүү дээ.
Тухайн үед хөл хориотой боллоо гээд бизнесээ зогсоогоогүй. Үүнтэй холбоотойгоор хууль эрх зүй шаардлагын талаар яриад байгаа юм. Энд сууж байхаар хол хорио бий боллоо, та энд суухгүй, бизнесээ зогсоо гэдэг шаардлагыг тавьсан. Захирах, захирагдах хуулийнхаа хүрээнд. Тэгэхээр амьдрал хэцүүднэ. Амьдрал намайг хүлээхгүй шүү дээ. “Та байрныхаа мөнгийг төлөөч ээ. Таны байрны мөнгө овоороод байна” гэдэг. Тэгэхээр заавал амьжиргаагаа залгуулах санхүүгийн хэрэгцээ шаардлагатай. Тэгээд энд сууж байгаа. Мэдээж шаардлага тавьсан хүмүүстэйгээ зөрчилдөнө. Хэрүүл болно. Гэхдээ бүдүүлэг харьцаа гаргахгүй.
Та тэтгэвэрт орсон уу. Хэдэн нас хүрч байгаа вэ?
Тэтгэврийн нас хүрсэн. Би 62 настай. Хуулиараа л явж байна. Нийгмийн даатгалын багц хуульд тэтгэврийн талаарх өөрчлөлт их орсон. Би группд байдаг болохоор тэтгэвэр хэрхэн тогтоолгох вэ гээд гайхаад л байна. Тэтгэврээ яаж хөөцөлдөж авч болох вэ гээд бодож л байгаа.
0
0
0
0
0
0
0
0
