Байдены заxиргaa бүрэн эрxийнxээ xугацаанд Украины өрийг тэглэxийг эрмэлзэж байна
Эверграндын тогтворгүй байдал дэлхий нийтийн анхаарлыг татсаар байгаа боловч компанийн эдийн засагт нөлөөлөх үйл явц нь илүү том асуудал юм. Хэдэн долоо хоногийн турш Хятадын үл хөдлөх хөрөнгийн судлаачид болон хөрөнгө оруулагчид тус компанийн асар их өр яах бол гэх хүлээлттэй байгаа. Удаан хугацааны хямрал өрнөхийн хэрээр шинжээчид Хятадын үл хөдлөх хөрөнгийн зах зээл олон жилийн хэт нийлүүлэлтийн дараа унталтанд орж байна гэж үзжээ. Хятадын эрх баригчид баасан гарагт Эверграндын хямралыг эцэслэн шийдвэрлэлээ. Хятадын Ардын банк тус компани бизнесээ буруу удирдаж байсан боловч санхүүгийн системд учирч болзошгүй эрсдэлийг "хянах боломжтой" гэж мэдэгджээ.
Хятадын төв банкны санхүүгийн зах зээлийн газрын захирал Зоу Лан "Сүүлийн жилүүдэд компани бизнесээ сайн удирдаж, зах зээлийн өөрчлөлтийн дагуу үйл ажиллагаагаа явуулж чадахгүй байна" гэж хэвлэлийн бага хурал дээр хэлжээ. Анхааруулгын дохио байсаар нэлээд удаж байна. Эверграндын уналтаас өмнө хэдэн арван сая орон сууц улс даяар хоосон буюу "Хий үзэгдэл хотууд" ихсэж байгааг онцолсоор байсан. Харин байдал одоо улам бүр дордож эрэлт, нийлүүлэлт огцом багассаар байна.
Үл хөдлөх хөрөнгийн сангийн Азийн ахлах эдийн засагч Марк Уильямсын тооцоолсноор Хятадад 30 сая орчим зарагдаагүй үл хөдлөх хөрөнгө байсаар байгаа бөгөөд эдгээрт 100 сая хүн амьдрах боломжтой юм. Энэ нь Германы бараг бүх хүн ам юм. Үүнээс гадна, Capital Economics -ийн тооцоолсноор сүүлийн жилүүдэд ойролцоогоор 260 сая хүнийг багтаах боломжтой 100 сая орчим үл хөдлөх хөрөнгийг худалдаж авсан боловч эзэмшилгүй байх магадлалтай юм. Ийм төслүүд олон жилийн турш анхаарлын төвд байсан бөгөөд бүр Хятадын "Хий үзэгдэл хотууд" гэж нэрлэгдэх болжээ. Үл хөдлөх хөрөнгө болон холбогдох салбарууд нь Хятадын эдийн засгийн томоохон хэсэг бөгөөд ДНБ -ий 30% -ийг бүрдүүлдэг. Уильямсын үзэж байгаагаар барилга байгууламж болон түүнтэй холбоотой үйл ажиллагаанууд нь эдийн засгийн бүтээгдэхүүний эзлэх хувь нь "бусад томоохон эдийн засагтай харьцуулахад хамаагүй өндөр байна." Олон арван жилийн турш энэ нь тус улсын эдийн засгийн хурдацтай өсөлтийг хадгалахад тусалсан юм. Гэсэн хэдий ч шүүмжлэгчид энэхүү өсөлтийн хөдөлгүүр нь дэлхийн хоёр дахь том эдийн засагт цаг хугацаа өнгөрөх тусам хор хөнөөл нь тэсрэх бөмбөг бий болгосон уу гэж олон жилийн турш эргэлзсээр ирсэн байна. Энэ нь зарим хөгжүүлэгчид төслөө санхүүжүүлэхийн тулд авсан их хэмжээний өртэй холбоотой юм. Эвергранд нь Хятадын хамгийн их өртэй газруудын нэг бөгөөд тэдний өр одоогоор 300 тэрбум гаруй долларт хүрээд байна. Энэ нь цар тахлаас үүдсэн хэсэгхэн хугацааны зогсонги байдалтай холбоотой. Гэсэн хэдий ч тус улсын үл хөдлөх хөрөнгийн зах зээл богино хугацаанд сэргэж, барилгын ажлууд үргэлжилж байгааг тэд онцолж байна. Хэдийгээр энэ бүхэн эерэг нөлөөтэй ч уналтанд ороод байгаа зах зээлийн нөхцөл байдал тийм ч хурдан сэргэхээргүй байгаа юм. Сүүлийн хэдэн сарын хугацаанд "үнийн өсөлт, орон сууцны барилгын ажил, борлуулалтын арга хэмжээ" нэлээд буурсан гэж Жу тэмдэглэв.
Наймдугаар сард үл хөдлөх хөрөнгийн борлуулалт нь зарагдсан талбайгаар хэмжигдэж байгаагаар өмнөх оны мөн үетэй харьцуулахад 18 хувиар буурсан гэж тэр нэмж хэлэв. "Хятадад орон сууцны үл хөдлөх хөрөнгийн эрэлт тасралтгүй буурах үе рүү орж байна" гэж Уильямс судалгааны тэмдэглэлдээ бичжээ. Дараа нь эрэлт хэрэгцээтэй байсан ч дуусаагүй төслүүдийн асуудал бий. Хятадад байгаа шинэ үл хөдлөх хөрөнгийн дийлэнх хувь нь буюу 90 орчим хувь нь дуусахаас өмнө зарагддаг бөгөөд энэ нь үл хөдлөхийн салбарынханд тулгарч буй аливаа бэрхшээл нь худалдан авагчдад шууд нөлөөлдөг гэсэн үг гэж эдийн засагчид үзэж байна. Bank of America -ийн сүүлийн үеийн дүн шинжилгээгээр Evergrande нь худалдан авагчдад хүлээлгэж өгөөгүй байгаа 200,000 айлын орон сууцыг урьдчилсан байдлаар зарсан байна. Сүүлийн хэдэн долоо хоногт БНХАУ-ын засгийн газар хямралаас гарах, энгийн иргэдийг хамгаалахад анхаарлаа хандуулж байгааг онцоллоо. Хятадын Ардын банк өнгөрсөн сарын сүүлээр мэдэгдэлдээ "Үл хөдлөх хөрөнгийн зах зээлийн эрүүл хөгжлийг хадгалж, орон сууцны хэрэглэгчдийн хууль ёсны эрх, ашиг сонирхлыг хамгаална" гэж амласан юм.
Эх сурвалж: CNN
0
0
0
0
0
0
0
0
