Эx газрын БНXАУ болон Тайванийн арлын төвөгтэй xарилцаа
Норвегийн Конгсберг хотод өчигдөр нэгэн этгээд нум сумаар дайрсны улмаас таван хүн амиа алдаж, хоёр хүн шархаджээ. Хэргийн газраас халдлага үйлдсэн 37 настай эрэгтэйг баривчилж, яллагдагчаар татжээ. Сэжигтэн нь Данийн иргэн бөгөөд тус хотод амьдардаг гэж Пүрэв гарагийн өглөө цагдаагийн газраас мэдэгдэл хийв. Цагдаа нар нэрийг нь хэлээгүй байгаа бөгөөд сэжигтнийг лхагва гарагийн үдээс хойш баривчилж,ойролцоох Драммен хот руу аваачжээ. Цагдаа нар сэжигтэнд ямар ял тулгаж буй талаар мэдээлэл одоогоор алга байна.
Эрх баригчид энэ хэрэгт бусад томоохон гэмт хэргийн бүлэглэлүүд оролцсон байх магадлалтай гэжээ.
Драммен мужийн цагдаагийн хэлтсийн дарга Ойвинд Аас халдлагын дараа хэвлэл мэдээллийнхэнд хандаж хэлэхдээ “Үйл явдлын явцаас харахад энэ нь террорист үйлдэл мөн. Гэмт хэрэгтэн хэд хэдэн хүний эсрэг аймшигтай үйлдэл хийсэн. Энэ бол Конгсберг хотын хувьд хүндээр туссан үйл явдал, бид бүгд балмагдаж байна” гэжээ.
Энэхүү халдлага нь өнгөрсөн сард болсон парламентын сонгуулийн дараа олон жил эрх баригч байсан Консерватив нам бууж , шинэ засгийн газрын босгон дээр болсон явдал юм.
Хөдөлмөрийн удирдагч Jonas Gahr Store пүрэв гарагт Ерөнхий сайдын үүргийг гүйцэтгэх тушаалд очих ёстой юм. "Миний зүгээс хохирсон хүмүүс, тэдний гэр бүлүүдэд гүн эмгэнэл илэрхийлж байна. Tүүнчлэн шаардлагатай xүмүүст туслахаар өдөр шөнөгүй ажиллаж байгаа цагдаа, эрүүл мэндийн ажилтнууд, тусламжийн ажилтнуудад мөн адил санаа зовж байгаа " гэв. Одоо тус бүс нутагт онц байдал зарлаж, гудамж болгонд зэвсэгтэй цагдаа нар зогсож байна. Зүүн өмнөд цагдаагийн дүүргийн мэдэгдэлд дурдсанаар орон нутгийн цагдаа нар Конгсберг хотын төвөөс 18:13 цагт яаралтай дуудлага хүлээн авч эхэлжээ. Дуудлагад нэг хүн нум сумтай явж байсан тухай мэдээлжээ.
Эх сурвалж: CNN
0
0
0
0
0
0
0
0
