Ч.Хантүмэн: Данс хаачихлаа, дарга нарыг мууллаа гээд ингэв үү
Цагаан хад, Гашуунсухайтын тээвэрчид ЗТХ-ийн сайд Л.Халтарын гаргасан тушаалаас болж ажил амьдрал нь зогсоход хүрээд буйг эсэргүүцэж өнөөдөр Сүхбаатарын талбай дээр эсэргүүцлээ илэрхийлэн жагсаж байна.
Тээвэрчдийн төлөөлөл
“Ганц явж байгаа экспортын тээвэр нь Тавантолгойгоос Чойр чиглэлд тээвэрлэлт хийж байсан Эко жишигт тээвэр төсөл нь тавдугаар сарын 8-наас хэрэгжиж эхэлсэн ч маш олон дарамт шахалт, хатгаас дээрээс нь энэ жил хур ихтэй байсан учраас жолооч нар маш хэцүү замаар тээвэрлэлт хийсэн. 108 хоног энэ тээвэр хүнд байдалтай явсан ч наймдугаар сарын дундаас энэ тээврийг бас гацаасан. Одоо л аравдугаар сар гараад тээвэрлэлт явж эхлэх гэж байна. Тээвэрт оролцож байгаа монголд албан ёсоор үйл ажиллагаа явуулдаг 150 гаруй ААН, дээрээс нь 30 гаруй худалдан авагч нэгдээд мөнгөө гаргаад замаа урьдчилан зассан. Энэ хугацаанд зам засварт монгол тээвэрчид, монголын тээврийн 4 тэрбум төгрөгийг оруулсан. Одоо энэ тээвэрлэлт эхлэх нь гээд 800 гаруй тээвэрчин замд гарчихсан явж байгаа. Гэтэл Баян зам тээвэрчдийн холбоотой үсэглэсэн гэрээгээ Зам тээврийн хөгжлийн сайд Л.Халтар зөрчиж аравдугаар сарын 6-нд 158 дугаартай тушаал гаргасан. Түүний хоёр дахь хэсэгт Тавантолгойгоос Чойр чиглэлийн улсын чанартай авто замыг хатуу хучилттай зам тавих хүртэл тээвэр явуулахгүй гэсэн. Л.Халтар сайд өөрийнхөө үсэглэсэн зүйлд хууль зөрчсөн тушаал гаргалаа. Одоо уртын тээвэр байхгүй, явлаа гэхэд чингэлэг тээвэр л гэсэн. Ихэнх нь амь амьдралаа золин, банканд бүхий л зүйлээ барьцаалан задгай дээвэртэй машин авсан. Гэтэл биднийг замаас шахаад гаргачихлаа. Энэ тээврийн хэн хийх үү, хятад хийх гэж байгаа. Чойроор энэ машинаараа амьдрал ахуйгаа залгуулья, азаа үзье гээд орсон. Гэтэл энэ замыг хэн тавих вэ. Үүнээс энэ замыг хятадууд л өгөх гэж байгаа юм байна гэдэг хардлага байна. Одоо Тавантолгой Чойр чиглэлд явж байгаа 3000 гаруй тээвэрчид байгаа. Нэг айлыг 4 ам бүлтэй гэж бодоход 15 мянга орчин хүний амьдрал, бидэнд итгээд мөнгөө өгөөд замын ажилд хөрөнгө оруулсан худалдан авагч нарыг яах юм бэ. Ийм байдлыг үүсгээд энэ олон хүний амьдралыг элгээр нь хэвтүүлээд хохь чинь, бид энэ замыг ингээд өгнө гээд биднийг доромжилсон шийдвэр гаргаад сууж байна. Хоёр өдөр энэ асуудалд хариу авах гэсэн ч одоог хүртэл хариу алга”
"Манай тээвэрчдийн төлөөллийг Сүхбаатар дүүргийн цагдаагийн нэгдүгээр хэлтэст баривчлаад байна. Урьд шөнө Монголын нүүрсний экспортын 40 хувийг гаргадаг Цагаанхаданд шөнийн 1 цагийн орчимд жолооч нар нэгдэж зам хааж эхэлсэн. Бидэнд хүч хэрэглэж байна. 3500 жолоочийг эрсдэлд оруулж байгаагаа ч тоохгүй байна шүү дээ.
ЗТХ-ийн сайд Л.Халтар гэхэд монголын тээвэрчид явж байсан цорын ганц зам болчихоод байгаа нүүрсний экспортын замыг зургадугаар сарын 8-ны өдрийн тушаалаар хааж хаячхаад тушаалаа цуцалдаггүй. Одоо 2000 жолооч ажилгүй болчихлоо. Амьдралгүй болчихлоо. Монголын төр яагаад ийм таг дүлий сохор байгааг гайхаж байна.
Өдөр болгон экспортыг нэмэгдүүлж байна гэж зурагтаар худал ярьж байна. Бид аргаа барж тэвчээр минь тасарч байна. Бид уйлж орилж хашхирч бархираагүй байхад л цагдаа нар бариад явчихлаа.
Нийслэлд байгаа тээвэрчин бид дуугарахгүй бол тэнд хоригдчихсон хүмүүс дуугаа хүргэж чадахгүй байна. Засгийн газар энэ хүнд нөхцөл байдлыг яагаад тоохгүй байгаа юм бэ? Чойрын замыг хаачихаад байна. Тэнд өөрсдийнхөө хүмүүсийн шинжилгээний хариуг сөрөг гаргаад биднийг эерэг гаргаад хөөгөөд явуулж байна.
Ерөнхий сайд болон тээвэрчний хүү Ерөнхийлөгч та тээвэрчдийнхээ зовлонг ойлгоно мэднэ гэж гоё ярьж гарч ирчхээд бүх эрх мэдэл нь байхад яагаад дуугүй байгаа юм бэ? Та бүхэн энэ заваан зүйлээ зогсоохыг бид гуйх биш шаардаж байна. ЗТХ-ийн сайдын ажлын хэсэг биднийг хүүхдүүд шиг л хуурч байна. Л.Халтар сайд та энэ тушаалаа цуцлахгүй бол бүх тээвэрчид өлсгөлөн зарлах болно. Ширээ сандалтайгаа үлдэхийн төлөө юуг ч хамаагүй хийж болох юм уу? " гэв.
0
0
0
0
0
0
0
0
