Ч.Хантүмэн: Данс хаачихлаа, дарга нарыг мууллаа гээд ингэв үү
“No Naadam” хөдөлгөөнөөс өнөөдөр цаг үеийн асуудлаар хэвлэлийн бага хурал хийлээ.
“No Naadam” хөдөлгөөний дэмжигч, өмгөөлөгч А.Пүрэвдулам
"Зургаадугаар сарын 25-наас эхлээд өнөөдрийн хүртэл “No Naadam” хөдөлгөөнөөс эрчимтэй Засгийн газар руу шахалт шаардлага хүргүүлсэн. Монгол Улсын Засгийн газар, эрх барьж байгаа нам, Шадар сайд С.Амарсайхан, ЭМЯ, ХЭҮК зэрэг газруудад бид найман зүйл бүхий шаардлагыг хүргүүлсэн. Баяр наадам буюу тэмдэглэлт ойг энэ жилдээ битгий тэмдэглээч ээ, улсаараа улаан бүс болоод үндэсний аюулгүй байдлын түвшинд хүртлээ халдвар чинь нэмэгдээд байна. Төсвийн зарцуулалтыг ил болго, эрүүл мэндийн албан хаагчдад 10 тэрбумыг зарцуул, PCR шинжилгээг үнэгүй болго, ерөнхий боловсролын хичээлийн жил эхлэх хугацааг есөн сар гэхэд нээ гэсэн тодорхой шаардлагуудыг тавьсан. Гэвч холбогдох газруудаа бидэнд ямар ч хариу өгөөгүй. Долоодугаар сарын 1-нд “No Naadam” хөдөлгөөнөөс нийгмийн хүчтэй акцыг өрнүүлсэн.
Долоодугаар сарын 2-нд Засгийн газраас 183 дугаар тогтоол гарсан. 183 дугаар тогтоолоор ямар зүйлүүдийг шийдвэрлээд гаргасан бэ гэхээр наадмыг буюу Ардын хувьсгалын 100 жилийн ойг, 101 жилтэй хамтатган тэмдэглэх, бүх аймаг, нийслэлийн Засаг дарга нарт наадам хийхгүй байхыг даалгасан. Тэмдэглэлт ой, уул овооны тахилгыг хийхгүй байхыг бүх шатны аймаг, нийслэлийн Засаг нарт даалгаад энэ тогтоолын хэрэгжилт дээр хяналт тавихыг Шадар сайд С.Амарсайханд үүрэг болгосон. Гэвч та бүхэн мэдэж байгаа. Энэ Засгийн газрын 183 дугаар тогтоолын хэрэгжилт өнөөдрийг хүртэл биелээгүй. Энэ албан хаагч нарт хариуцлага тооцуулахаар манай хөдөлгөөний зүгээс наймдугаар сарын 23-нд шаардлага хүргүүлсэн. Эдгээр аймгийн Засаг нар болох Монгол Улсын Шадар сайд, УОК-ын дарга С.Амарсайхан, Дорнод аймгийн Засаг дарга М.Бадамсүрэн, Сэлэнгэ аймгийн Засаг дарга Ш.Оргил, Ховд аймгийн Засаг дарга Б.Дүгэржав, Говь-Алтай аймгийн Засаг дарга О.Амгаланбаатар, Завхан аймгийн Засаг дарга Д.Түвшинжаргал, Нийслэлийн Засаг дарга Д.Сумъяабазар нарын нэн яаралтай Засгийн газрын тогтоолыг хэрэгжүүлж ажиллаагүйн төлөө хариуцлага хүлээж, огцрохыг шаардаж байгаа. Үүнийг бид наймдугаар сарын 23-нд өгсөн өнөөдрийг хүртэл хариу байхгүй байгаа. Гаргасан тогтоолынхоо биелэлтэд хяналт тавьж ажилладаггүй Засгийн газар бол эрх зүйн чадамжгүй, чадваргүй Засгийн газар гэж үзэж байгаа. Монгол Улсын Засгийн газар “No Naadam” хөдөлгөөний зүгээс гаргасан наймдугаар сарын 23-ны өдрийн шаардлага, зургаан сарын 21-нд өгсөн үндсэн долоон шаардлагын хариуг нэн даруй өгөхгүй бол “No Naadam” хөдөлгөөн зохион байгуулалтын хэлбэрт орж, цаашид тэмцлийн хурц хэлбэрт шилжихээ үүгээр мэдэгдэж байгаа” гэв.
0
0
0
0
0
0
0
0
