Д.Сүхбаатарын талбайн зүүн, баруун талын авто замын хөдөлгөөнийг түр хаана
Орчин үед ихэнх хүмүүс пицца, түргэн хоолыг өргөнөөр хэрэглэх болсон. Түүний гол орц болох бяслагийн талаар Цахим эмч Б.Баярбямбаас тодрууллаа.
Хүний их эмч Б.Баярбямба:
“Үндсэн бяслаг нь үнээний сүүнээс ээдүүлээд гаргаж авдаг уламжлалт Монгол арга юм. Сүүлд Европ технологиор орж ирсэн бойжуулдаг бяслагт үнээний сүү, хөрөнгө, ходоодны фермент, давс ордог. Орц найрлага нь товч. Харин боловсруулж байгаа технологи, хөрөнгийн мөн чанараас шалтгаалаад чида, идам, говда гэхчлэн олон төрөл байгаа.
Сүүлийн үед бяслаг төст бүтээгдэхүүн их байдаг болсон. Энэ нь олон төрлийн орц найрлагатай. Натурал бяслаг бүхэлдээ сүү. Бяслаг төст бүтээгдэхүүний нэг килограмм дахь сүүний агууламж нь 20-30 хувь л байдаг. Үлдсэн 70,80 хувьд нь хүнсний олон төрлийн нэмэлт дүүргэлт байдаг. Үүнийг бяслаг төст бүтээгдэхүүн гэж нэрлэнэ.
Гаалийн статистик мэдээгээр 2020 оны жилийн эцсийн байдлаар 1745 тонн бяслаг импортоор орж ирсэн байна. Сонирхолтой зүйл нь БНСУ-аас импортоор их орж ирдэг. Энэ улс нь мал аж ахуйн орон биш. Харин үйлдвэр хөгжсөн орон. Тэгэхээр дандаа үйлдвэрлэлийн аргаар боловсруулсан бяслаг хийгддэг. Бяслаг төст бүтээгдэхүүн гаалиар орж ирж зах зээл өсөөд байна. Энэ нь түргэн хоолонд ороод байна. Хүүхдүүдийн хамгийн ихээр иддэг пицца, бургерт ихээр агуулагдаж байна.
Натурал бяслаг бол 100 хувь үнээний сүү. Сүүний тослогийн агууламжтай байгалийн хамгийн төгс зохицол гэж хэлж болно. Өөх тос, уураг, амин дэмүүд нь хүний биед байх ёстой хамгийн зохистой хэмжээгээр байдаг. Түүнчлэн шимэгдэлтийн хувьд хамгийн өндөр байдаг.
Хиймэл бяслагт 70,80 хувьд нь химийн нэмэлт дүүргэгч бодис байна. Үүнээс эмзэглүүлж байгаа зүйл нь натрийн фосфат гэж хүнсний нэмэлт байна. Е339 гэдэг агууламж. Монголд орж ирж байгаа бяслаг төст бүтээгдэхүүнд маш ихээр агуулагдаж байна. Энэ нэмэлтийг Европт хориглосон. Урд нь ахуйн хэрэглээний угаалгын нунтагт хийдэг байсан. Бохирын усыг дахин цэвэршүүлэхэд энэ агууламж байдаг болохоор дахин цэвэршүүлэхэд хүндрэлтэй байдал үүссэн. Ийм учир угаалгын нунтагдаа ч хүртэл хийхийг хориглосон байдаг. Гэтэл Монголчуудын бяслаг гэж авч идэж байгаа зүйл аюултай хүнсний нэмэлт байна. Энэ нь хамгийн том асуудал. Хэрэглэгч нартаа импортоор орж ирж байгаа олон бүтээгдэхүүн гоё сав боодол, шошготой байж болно. Гэвч шошгыг нь сайн уншиж байж сонголтоо хийж байгаарай гэж хэлье.
Бяслаг төст бүтээгдэхүүнд байдаг хүнсний нэмэлт, Е339 нь ходоод гэдэсний замыг ихээр цочрооно. Мөн орлуулаад транс тос хийж байна. Үүнийг хүүхдэдээ багаас нь хэрэглүүлэх нь судас хатуурлын үндсэн суурь болно. Монголчуудын дунд нас баралтын тэргүүлэх шалтгаан зүрх, судасны өвчин. Зүрх судасны суурь нь судас хатуурал юм. Идэж, ууж байгаа зүйлс нь эрүүл мэндэд тустай, шим тэжээл байх ёстой болохоос илүү эрүүл мэндийг эрдэлд оруулдаг байж болохгүй. Олон төрлийн хүнсний нэмэлт хийсэн бяслаг төст бүтээгдэхүүний амт, үнэр, харагдах байдал, сав баглаа нь гоё. Харин үнэ хямд байдаг” гэв.
0
0
0
0
0
0
0
0
