Монгол Улсын арслан М.Мөнгөн агсаны нэрэмжит xүчит бөxийн барилдаан болно
Наймдугаар сарын 29-нд WeLoveU байгууллагын 30 орчим гишүүн Улаанбаатар хотын Хан-Уул дүүрэгт байрлах Богдхан уулын ойр орчим “Цэвэр дэлхий” хөдөлгөөнийг өрнүүллээ.
Богдхан уулын явган хүний зам дагуу хөглөрсөн нэг удаагийн аяга, соруул, гялгар уут, дахин боловсруулах зориулалттай шилэн сав, лаазыг ангилан ялгаж, ахуйн чанартай зэрэг төрөл бүрийн хог хаягдлыг түүж цэвэрлэжээ. Уг цэвэрлэгээний хүрээнд тэд 90 гаруй шуудай хог түүж цуглуулсан байна.
Энэ удаагийн их цэвэрлэгээг НҮБ-аас зарласан “Хөх тэнгэрийн өдөр”-ийг тохиолдуулан зохион байгуулсан бөгөөд уг үйл ажиллагаа Монголд төдийгүй АНУ, Энэтхэг, Австрали, Шинэ Зеланд, Япон, Перу, ӨАБНУ, Зимбабве, Ангол зэрэг улс орнуудад ч зохиогджээ.
WeLoveU байгууллагаас жил бүр зохиодог “Цэвэр дэлхий” хөдөлгөөн нь байгаль орчин хамгаалахын зэрэгцээ үзэсгэлэнт байгалиа үр хойч үедээ өвлүүлэх зорилготой үйл ажиллагаа юм. Тус байгууллага 2008 оноос хойш дэлхийн өнцөг булан бүрд хот суурин, цэцэрлэгт хүрээлэн, уул нуруу, тэнгис далай, гол мөрнийг цэвэрлэж, байгаль хамгаалах кампанит ажил, байгаль хамгаалах сургалт зохион байгуулах гэх мэт ажлыг тогтмол хийж иржээ. Улаанбаатар хотод Богдхан уул төдийгүй Сэлбэ гол, Дунд голын сав газрыг цэвэрлэж байв. Мөн Эрдэнэт хотод наадмын талбайг тогтмол цэвэрлэдэг байна.
0
0
0
0
0
0
0
0
