Ч.Хантүмэн: Данс хаачихлаа, дарга нарыг мууллаа гээд ингэв үү
Хэнтий аймгийн Батноров суманд босгосон “Хүлэгбаатар Боорчи-Андлалын өргөө” хэмээх түүхэн аялал жуулчлалын цогцолбор байгууламж буюу бидний нэрлэж заншсанаар Андлалын хөшөөг оюуны өмчийн асуудлаас үүдэн нурааж эхлээд буй.
Тодруулбал, Уг байгууламжийн зохиогч, Урлагийн гавьяат зүтгэлтэн Д.Эрдэмбилэг агсны ар гэрийнхний хүсэлтээр нураах шийдвэр гаргасан байна. Ингэхдээ Хос санаа ХХК төсвийн хохирлыг барагдуулж нэг тэр бум 960 мянган төгрөгийг улсын төсөвт буцаах талаар Байгаль орчин, аялал жуулчлалын сайд Н.Уртнасан мэдээллээ.
Тэрбээр, "БОАЖЯ, Хэнтий аймгийн ЗДТГ, гүйцэтгэгч "Хос санаа" компанитай гурвалсан гэрээ байгуулсан. Барилгын явцад Д.Эрдэмбилэг агсан хүнд өвчний улмаас нас барсан. Талийгаач зураг төслийн гүйцэтгэлд хяналт хийх боломжгүй болсон учраас оюуны өмчийг цуцлахтай холбоотой саналууд гарч эхэлсэн. Барилгын ажил бүрэн гүйцэд дуусаагүй байгаа үед иргэдийн зүгээс шүүмжлэлүүд ирсэн. Оюуны бүтээлийн зохиогчийн эрх шилжүүлэх гэрээг цуцлах хүсэлт ирсэн.
Түүнчлэн БОАЖЯ-нд барилгын ажлыг зогсоож, зохиогчийн нэр хүндэд дахин халдахгүй байх хүсэлтийг гэргий болон ээжээс нь хүсэлт тавьсан. БОАЖЯ-наас 1 тэрбум 900 сая гаруй төгрөгийг төсөвт буцаан төвлөрүүлэх хүсэлтийг Хос санаа компанид өгсөн. Хос санаа компани улсыг хохиролгүй болгоё гэсэн албан бичгийг явуулсан. Ингээд Хос санаа компани руу нэхэмжлэл явуулахад өнөөдөр энэ мөнгийг төсөвт буцаан төвлөрүүлсэн" гэв.
Мөн нураахтай холбоотой зардлыг улсын төсвөөс гаргахгүй бөгөөд Хос санаа компаниас зардлын тайлан мэдээг хүлээн авна гэлээ.
Гүйцэтгэгч компанийн сонго шалгаруулалтын тухайд "Гурван талт гэрээгээр Төрийн захиргаа удирдлагын газраас үнэлгээний комисс байгуулагдаж 2018 онд энэ компани шалгарсан. Гэрээний явцад гарч байгаа гүйцэтгэлийн хяналтыг Хэнтий аймаг буюу орон нутаг хариуцахаар тусгагдсан байгаа. Компанийн зүгээс нэгэнт оюуны өмчийг цуцалсантай холбоотойгоор цаашид энэ ажлыг гүйцэтгэх боломжгүй гэдэг тайлбарыг өгч мөнгийг буцаан улсад төвлөрүүлсэн" гэлээ.
0
0
0
0
0
0
0
0
