Үс шинээр үргээлгэх буюу засуулбал нас уртадна
Өчигдөр буюу наймдугаар сарын 16-аас эхлэн нэгдүгээр ангийн сурагчдыг цахимаар бүртгэж эхэлсэн. Үүнтэй холбогдуулаад эцэг эхчүүд хүүхдээ цахимаар хэрхэн бүртгүүлэх талаар Нийслэлийн ерөнхий боловсролын 47-р сургуулийн бага ангийн багш Н.Пүрэвсүрэнтэй ярилцлаа.
-Цахим бүртгэл хэрхэн хийгдэж байна вэ?
-Өмнөх жилүүдэд бүртгэл хийхэд багш нар оролцож, бичиг цаасны ажил их хийдэг байсан. Харин энэ жилийн хувьд автоматаар хийгдсэн байгаа бүртгэлийг эцэг эхчүүд хүүхдийнхээ регистрийн дугаараар нэвтэрч баталгаажуулж байна. Энэ нь илүү хялбар болсон байгаа юм.
-Бүртгэл хийхэд багш нар ажиллах шаардлагагүй гэсэн үг үү?
-Сургуулийн захиргаанаас багш нарыг нэг нэгээр зөвлөх багшаар ээлжлэн ажиллуулж байгаа. Бүртгүүлж чадахгүй байгаа болон зөвлөгөө авах шаардлагатай болсон иргэдэд тусална гэсэн үг.
–Танай сургуульд энэ хичээлийн жилд нэгдүгээр ангид хэдэн сурагч элсэх вэ?
-Манай сургуулийн харьяалалд 280 нэгдүгээр ангид элсэгч байгаа. Гэхдээ тухайн хүүхдийн харьяа сургуульдаа суралцах эсэхээс хамаарч энэ тоо өөрчлөгдөнө.
–Цахимаар бүртгэлээ хийж чадахгүй, зөвлөгөө авахаар ирж байгаа эцэг эхчүүд ямар асуудлаар ирж байна вэ?
-Одоогийн байдлаар өглөөний 10:00 цагаас хойш зургаан эцэг, эх ирж уулзсан. Зарим нь хэрхэн бүртгүүлэхийг заалгаад буцаж байна. Мөн бидний шийдэж чадахгүй асуудлаар ч ирж уулзаж байна. Тухайлбал, Цахим бүртгэлд зургаан настнууд л байгаа учраас өнгөрсөн жил сургуульд сураагүй нэгдүгээр ангид орох долоон настнуудыг хэрхэн бүртгүүлэхийг бид мэдэхгүй байна. Энэ асуудлаар хүүхэд нь өвдөөд нэг жил өнжсөн гээд нэг хүүхдийн ээж ирж уулзсан. Бид яамнаас хариу аваад эргэж холбогдоно гэсэн байгаа.
Мөн түр оршин суух хаягтай болон харьяалалдаа нэг жил болоогүйн улмаас бүртгэл хийж болохгүй байна гэсэн эцэг эхчүүд ч ирсэн. Энэ асуудлыг сурагчдын бүртгэл дууссаны дараа энэ сарын 26-аас шийдвэрлэх байх.
-Хүүхдээ бүртгүүлж амжаагүй байгаа эцэг эхчүүдэд цахимаар хэрхэн бүртгүүлэх талаар заавар өгөөч?
-Parent.edu.mn хаягаар нэвтэрч орно. Элсэлтийн бүртгэл шалгах гэсэн хэсгийг дарж хүүхдийнхээ регистрийн дугаарыг оруулж шалгах товч дарна. Ингэснээр та хүүхдийнхээ бүртгэлтэй сургуулийг харах боломжтой. Гарч ирсэн мэдээлэл үнэн зөв, тухайн сургуульд хүүхдээ суралцуулахыг зөвшөөрч байвал баталгаажуулах товч дарахад л хангалттай.
0
0
0
0
0
0
0
0
