Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Ерөнхий боловсролын сургуулийн нэгдүгээр ангид элсэгчдийн бүртгэлтэй холбоотой асуудлаар БШУЯ-наас мэдээлэл хийж байна.
БШУЯ-ны Бага, дунд боловсролын газрын дарга Т.Ням-Очир "Энэ онд улсын хэмжээнд нэгдүгээр ангийнхны бүртгэлийг 100 хувь цахимаар явуулна. Өмнө нь эцэг, эхчүүд өөрсдөө мэдээллээ оруулж, бүртгүүлдэг байсан бол энэ удаад тухайн харьяа боловсролын газрын дарга нар эрхийнхээ хүрээнд Улсын бүртгэлийн мэдээллийн системээс зургаан настнуудын мэдээллийг авч, хамран сургах тойргын хүрээнд харьяа сургуульд нь хуваарилж байгаа.
Өөрөөр хэлбэл хүүхдүүд хаягийнхаа дагуу харьяа сургуульдаа наймдугаар сарын 16-н гэхэд хуваарилагдаж дуусна. Үүнээс хойш эцэг эх, асран хамгаалагч нь системд нэвтэрч бүртгэлийг баталгаажуулснаар тухайн сургууль нь анги бүлгийг хуваарилна" хэмээн мэдээллээ.
2021-2022 оны хичээлийн жилд нэгдүгээр ангид элсэн суралцах сурагчдын бүртгэлийг Parent.edu.mn сайтаар явуулна. Ингэхдээ дараах хуваарийн дагуу элстийн үйл ажиллагааг явуулна.
Наймдугаар сарын 4-8-нд
Аймаг нийслэлийн боловсролын газраас зургаан настнуудыг хамран сурах тойргыг тодорхой болгох
Наймдугаар сарын 11-15-нд
Сургуулийн элэстийн комисс Элсэлтийн урьдчилсан бүртгэл хийх
Наймдугаар сарын 16-25-нд
Эцэг эх, асран хамгаалагч Элсэлтийн бүртгэлийг баталгаажуулах
Наймдугаар сарын 26-30-нд
Сургуулийн элсэлтийн комисс Элсэгчдийг анги бүлэгт хуваарилах
Наймдугаар сарын 26-30-нд
Эцэг эх, асран хамгаалагч бүлэгт хуваарилагдсан мэдээлэл хүлээн авах ажиллагааг зохион байгуулна.
Эцэг, эхччүүд хүүхдийнхээ бүртгэлийг баталгаажуулахдаа утасны дугаараа бүртгүүлэх бөгөөд тухайн дугаараар нь хүүхэд нь ямар бүлэгт харьяалагдсаныг есдүгээр сарын 1-нээс өмнө мэдэгдэх аж. Хүүхдийнхээ бүртгэлийг баталгаажуулаагүй эцэг эхчүүдтэй сургууль нь хороогоор нь дамжуулан холбогдоно гэдгийг Боловсрол, шинжлэх ухааны яамнаас мэдээллээ.
0
0
0
0
0
0
0
0
