Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Тамирчин Саид Моллаеид "Эко кар центр" ХХК-ийн хамт олноос дуртай нэг машинаа үнэгүй сонгож авах эрхийн бичгээр шагнасан бөгөөд бэлгийг өнөөдөр гардууллаа.
“Эко кар центр” ХХК-ийн захирал А.Жанчивдорж “Токио-2020" зуны олимпоос мөнгөн медаль хүртсэн Саид Моллаеид баярласан сэтгэгдлээ илэрхийлж машин бэлэглэж байна. Манай машинууд Хятадын Тяньжин дээр гацчихаад байгаа. Сэтгэлийн бэлэг учраас байгаа машинуудаас сонгоод авахад бэлэн байна. Бид нар Моллаеидаа зориулаад гурван жилийн хугацаанд сонгосон машинд нь бүх сервис үйлчилгээ, тос тослогооны материал, дугуй, автосервис үйлчилгээ бүгдийг нь хийж өгнө гэдгээ амлаж байна” гэсэн юм.
Тэрбээр Toyota sai маркийн, цагаан өнгөтэй автомашиныг сонголоо. Тамирчин Саид Моллаеи “Би өнөөдөр маш их баяртай байна. Яагаад гэвэл өнөөдөр гайхалтай өдөр болж байна. Өнөөдөр дахиад нэг машин бэлгэнд авлаа. “Эко кар”-ын хамт олондоо баярлалаа. Машинаа аваад хамгийн түрүүнд фитнес явна. Яагаад гэвэл би спортын хүн. Би нэг л өдөр Монголд гэр бүлтэйгээ хамт амьдарна гэж итгэж байна. Би одоо маш олон найз, ах, эгч нартай болсон надад яг л гэр бүл шиг минь санагдаж байгаа. Би олон улсын жолооны үнэмлэхтэй учраас машин барихад асуудалгүй гэж бодож байна” гэж сэтгэгдлээ илэрхийллээ.
Мөн “Бичил Глобус” компаниас таван сая төргөгийг бэлэглэсэн юм. “Бичил Глобус” ХХК ерөнхий захирал С.Отгонбаяр “Манай компаниас таван сая төгрөгийн бэлэг өгөөд мөн эрхэм Саид Моллаеидаа бичил глобус нэгдлийн өмнөөс барилддаг тамирчин болж олон улсад явах тэмцээн уралдаанд үргэлж хамтран ажиллахад бэлэн байна гэсэн саналыг тавьж байна. Цаашид эрхэм Моллаеи минь зөвшөөрвөл бидний зүгээс бүх уралдаан тэмцээнд хамтран ажиллахад бэлэн байгаа гэдгээ илэрхийлж байна” гэлээ.
0
0
0
0
0
0
0
0
