С.Батдөл өнгөрсөн оны 9 сараас хойш амралтын газар галчаар ажиллажээ
Оросын мэдээллийн ТАСС агентлаг ЭРЧИМ ХҮЧНИЙ ЯАМНААС БЕНЗИНИЙ ЭКСПОРТЫГ ЯАРАЛТАЙ ХОРИГЛОХ ХҮСЭЛТ ТАВЬЛАА гэсэн мэдээг 7-р сарын 31-нд нийтлэв. Нийтлэлийг бид мэргэжлийн орчуулгын товчооны орчуулагчаар хөрвүүлснээ бүрэн эхээр нь хүргэе.
Эрчим хүчний яамнаас бензиний экспортыг яаралтай хориглох хүсэлт тавилаа. Өмнө нь бид гурван сарын хугацаанд бензинд хязгаарлалт тавина гэж мэдээлж байсан. Тэгвэл энэ удаа Эрчим хүчний яам ОХУ-аас бензин экспортлоход хязгаарлалт хийх ажлыг эхлүүлэх саналаа Засгийн газарт хүргүүлсэн хэмээн Эрчим хүчний сайд Николай Шулгинов сэтгүүлчдэд мэдээлэв. Мөн "ОХУ-ын Эрчим хүчний яам бензин экспортлохыг хориглох журмыг түргэн шуурхай эхлүүлэх тухай тушаал гаргах саналыг ОХУ -ын Засгийн газарт хүргүүлсэн" гэж тус яамны хэвлэлийн албанаас ч мэдээлэв.
Шулгинов сэтгүүлчдэд мэдээлэхдээ, “Энэ долоо хоногт Эрчим хүчний яам долоо хоногийн өмнө түүхэн дээд амжилтыг хэд хэдэн удаа шинэчилсэн шатахууны биржийн үнийн нөхцөл байдлыг үнэлсний дараа хоригийг нэвтрүүлэх ажлыг эхлүүлж байна” гэв. Шулгинов цааш ярихдаа “Энэ долоо хоногт үнэ буурсан бол, сүүлийн хоёр хоногт бага зэрэг нэмэгдсэн, тиймээс хязгаарлалтыг дор хаяж гурван сарын хугацаанд хийнэ” гэлээ.
Гаалийн албаны мэдээллээр, ОХУ-н нефтийн компаниуд 2021 он 5-р сард бензиний экспортыг өнгөрсөн оны мөн үеэс 24,9%-р буюу 235 сая ам.доллар хүртэл бууруулсан байна. Бүтээгдэхүүний хэмжээ 30,6% хүртэл буурч, 407,6 мянган тонн болжээ. Үүнээс 2021 оны 1-р сараас 5-р сарын хооронд 5,8% хүртэл буурч 1,231 тэрбум ам.долларт хүрсэн бол бүтээгдэхүүний хэмжээ нь 18,8%-р буурч 2,489 сая тонн-д хүрчээ.
Монголчуудын шатахуунаа авдаг ОХУ ийнхүү экспортоо яаралтай зогсоох журам боловсруулж, засгийн газартаа өргөн бариад байна. Тэгвэл Орос ах нараасаа шатахууны хараат бид одоо яах вэ. Морио унаж, явган алхаж, цахилгаан машин унах уу. Л.Оюун-Эрдэнэ танд ямар шийдэл байна вэ. Нэг л өглөө АИ-92 байхгүй гээд сууж байхын оронд эртнээс ямар арга хэмжээ авч, ажиллахаа ард олондоо дуулгана уу. Одоо Монгол улсад АИ-92 шатахууны хэд хоногийн нөөц байна вэ. Шатахуунгүй улс орны чинь бүх аж ахуйн нэгжийн үйл ажиллагаа зогсохдоо тулна. Ингээд ядуу буурай бидний Монголчууд зогсонги байдалд очиход ойрхон ирлээ.
0
0
0
0
0
0
0
0
