Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Цар тахлын улмаас хилийн боомтоор ачаа, тээвэр орж ирэх хугацаа уртсан хамгийн багадаа нэг сарын зарцуулдаг болсон. Үүний улмаас тээврийн үнэ нэмэгдэж, барилгын материалын үнэ 70-80 хувиар өссөн байна. Бид барилгын материалын үнэ, ханшийн талаар “BIG” барилгын материалын төвийн худалдаа эрхлэгчдээс тодрууллаа.
-Хил хааснаас болоод барааны хомстолд орсон-
Барилгын материалын хувьд бараа бүтээгдэхүүний үнэ 50-80 хувь өсчихсөн байгаа. Хятадын нөхцөл байдал гурван сар хил хааснаас болоод барааны хомстолд орсон. Үүнийг дагаад тээврийн хөлс маш өндөр хэмжээгээр өссөн. 7-10 хоногийн хооронд авдаг бараагаа 45 хонож байж ирж байна. Замын-Үүд талаасаа биш, Хятад талаасаа өдрийн 200 машин оруулбал барааны үнэ өөрөө хямдарна. Барилгын ажил Монгол Улсын хэмжээнд 6-9 сард л өрнөдөг. Энэ богинохон хугацаанд хүмүүс байшингаа барих гээд яалт ч үгүй л худалдан авалт их хийж байна.
-Барааны үнэ нэмэгдэхээр “чэнж” нар нэмлээ гэж буруу ойлгодог-
Сантехникийн бараа материалын үнэ 30-50 хувь өссөн. Тухайлбал өмнө нь 18 мянган төгрөгөөр худалдаалж байсан одоо бараа 26 мянга болсон байна.
Барааны үнэ нэмэгдэхээр чэйнж нар нэмлээ гэж буруу ойлгодог. Цаанаа өсөж байгаа учраас л худалдаалах үнэ өсөж байгаа юм. Тээврийн хөлс нэмэгдсэн гэх сургаар шууд нэмээд байна гэж байхгүй шүү дээ.
-Шилэн хөвөн, нунтаг барааг Хятадаас татаж чадахгүй болчихсон-
"Бараа татаж авахад удаж байгаа учраас ашигтай бараагаа л ачихыг бодоод бусад бараануудаа хаячхаад байгаа юм. Шилэн хөвөн, нунтаг барааг Хятадаас татаж чадахгүй болчихсон. Жишээлбэл мод, модон бүтээгдэхүүнээс энэ хүрэн паниар гэхэд зах зээлд 40-45 мянган төгрөгөөр зарагдаж байсан. Одоо бол 70 мянга болчхоод байна. Энэ шилэн хөвөнгүүд 17-18 мянгад зарагддаг байсан. Одоо 40 мянган төгрөг болсон"
0
0
0
0
0
0
0
0
