Өдөрт нэг алим иддэг хүн эмчид очдоггүй
“Тэр” нэвтрүүлгийн ээлжит дугаарт Увс аймгийн Улаангом суманд төрж, Эрдэнэт хотод өссөн, 20 настай залуу бөх Амарсанаа овогтой Мягмарсүрэн оролцлоо.
Тэрбээр 2020 онд Баянхонгор аймагт болсон “Чөлөөт бөхийн залуучуудын улсын аварга”-д 92 кг-ийн жинд барилдаж алтан медаль хүртжээ. Энэ талаар ярихдаа, “Анх удаа улсын аварга болж үзсэн учраас их баярласан. Мөн чөлөөт бөхөөр өсвөрийн улсын аваргын хүрэл медальтай. Залуучуудын улсын аваргад түрүүлж байсан юм.
Чөлөөт бөхийн спортоор хичээллэхэд аав маань их түлхэц үзүүлдэг. Мөн миний багш Нарангэрэлийн Энхцогт гэж хүн бий. Чөлөөт бөхөөр хичээллээд 5, 6 жил болж байгаа. Харин үндэсний бөхөөр хичээллээд 2, 3 жил болжээ. Цаашдаа үндэсний бөхийн том цолонд хүрэхийг хүсэж байгаа. Үндэсний бөх бол Монгол түмний өв соёл. Дээр үеэсээ эрийн гурван наадмаа хийж, үндэсний бөхөө үзэж, хурдан морио үзэж, сур харваагаа үздэг байсан шүү дээ.
Өндөр цолонд хүрснээр олон түмэндээ хүндлүүлж байдаг. Манай аавын тал удамдаа бөхтэй. Харин ээжийн тал адуу маландаа бяртай хүмүүс байсан. Аавын хувьд сум, орон нутагтаа хоёр түрүүлж, нэг үзүүрлэсэн сумын заан байгаа.
Чөлөөт бөх, үндэсний бөх хоёрын адил тал нь хөл авч болно. Чөлөөт бөх нь барьцгүй барилдаан. Харин үндэсний бөх нь янз янзын барьцтай. Одоогоор үндэсний бөхийн бэлтгэл хийж байгаа. Хажуугаар нь хүч штанкын бэлтгэл хийдэг. Хүч штанкын бэлтгэл хийхээр хамаг биеийн булчин чангарна, түүнийгээ суллахын тулд чөлөөт бөхийн бэлтгэл хийдэг дээ.
Бөхийн спорт үнэхээр хэрэглээ өндөртэй шүү. Сар бүр уураг витамин хангалттай уух хэрэг гарна. Түүнийг гэр бүлийнхэн маань шийдэж өгдөг. Дэмждэг хүнтэй байна гэдэг сайхан. Миний хувьд үндэсний бөхдөө илүү дуртай. Монгол Улсын аварга цолонд хүрэхийг хүсэж байгаа. Их л мөрөөддөг. Миний зорилго шүү дээ. Зорилгодоо хүрэхийн тулд хичээж яваа залуу бөх байна" гэв.
0
0
0
0
0
0
0
0
